Tỉnh Yên Bái tsênhv sir jos txoz cxơưx tsiêz trâu têx ziv chuôz zis pluôs, chuôz zis muôx côngz têz qơưk thiêz têx chuôz zis trâus ruôr hiêv tiv ntux nas chuô uô đros thiêz tsưr ziv “Tsi chiê ziv chuôz zis tưs tsi muôx tsiêz nox”.

Đhâu qênhz shuôs, thôngz sâu, tas nro tỉnh muôx 8.200 ntâu chuôz zis, 17 cxênhz 600 lênhx nênhs zôngx ziv trâus yeiz hâur six hơưv tsiêz. Têx chuôz zis no tưz tâu têz qơưk paz 414 tênhr cxur. Iz chas ntơư, 23 cxênhz 500 ntâu lênhx zos têx lênhx nênhs muôx côngz trâu têz qơưk, nênhs lâuk hnuz nhôngs siêz, nênhs trâus sêv khiz luz chêr, nhuôv njuôs muôx luz nênhx txov nhêv thiêz chuôz zis pluôs trâus ntux uô ruôr hiêv hâur thax tsav tỉnh cux tâu muôz huv puz hâur jiês no. Xav hur tiz si têx huv muôz puz co tsiv grê zuôr xar 9 tỷ đeiv./.

                                                           (Thu Thùy-Riê Lâux cxeik, nhênhv)

Shông 2017, tỉnh Điện Biên tsêx trung kriz uô chor tsaz yênhx, dự án, tsênhv chêi thiv pluôs, paz huôv tsar uô xênhz yar trâu chor huyện pluôs, xã txov nhêv tiv zix, ntus đriv. Khov co chor chuôz zis pluôs tưz buôs ti ntâu tsênhv chêi pazhuôv tsar uô xênhz yar, cxaz nzir phênhv sâu; cxiv luôs chor congz trinhx cxuô zav iz thênhv jux juk tâu yưv pênhr uô thiêz kho đuô…chor chuôz zis pluôs nhoz tỉnh tsuôk yuôr muôx 51.100 ziv chuôz zis, grêk 3.500 ntâu ziv pir li shông 2016. Zơưv Lê Văn Quý, Phưv chủ tịch UBND tỉnh Điện Biên puz pâuz:

“Kror zov chênhr tiv zix zos hâur chor chuôz zis pluôs nhiv no, tiv phênhv sau tâu txo grêk lok six ntâu. Qir tiv zos  paz uô xênhz yar lơưr saz huv đros zos pêx xênhv zos nênhs uô xênhz yar ciês khov lơưr tỉnh li cêv kuôk, thôngx cxix zos huv đros pêx xênhv li zoz qơưx thiêz paz huv trâu kror pêx xênhv tsuv tâu paz. Thiêz pêx xênhv xav jênhv tiêk paz li co mak lơưr zuôr hla đhâu cêr pluôs thiêz kror no zos kror zov chênhr tiv zix’./.

                                                           (Vũ Lợi-Lik Thox cxêik nhênhv)

Tok tsiêz têz qơưk shông no, huyện Quỳnh Nhai, tỉnh Sơn La zuôr tsưr tsix ntênhs ciêz xuz thơưx ciês piêr kriê lok cxuô heir nênhs têx txux chi vênhx huôv thiêz ju lix huyện. Njuôk xav, ntênhs ciêz zuôr tsưr tsix hâur têx hnuz txix xiêz 9-15 luz iz hlik ntux zuôr txos, đros ntâu hâux lưv uô jông li: Huyện ntênhs hội sik tưr gruôv gox chax chês shông 2018, Hnuz hội njêl Sông Đax; sik tưr heik gâux Thái, sik tưr lok sâuv nxeik jông gâux piêr kriê têx tsôngk trik yo, nthuôr uô têx txux chi cêr lov jêv uz no......trâu tsôngv kruô sđ seiz li: Đei hluô, muk chuôv shôngz......

Quỳnh Nhai zos thax tsav qơư tsênhv tuôr tsês tâu ntâu têx txux chi vênhx huôv jông. Iz chas ntơư, 13 cxênhz ntâu ha pak đêx hâur thax tsav pak đêx tênhv tênhz Sơn La, lox đar muk đhâu ntâu xã hâur huyện, tâu pir li “Hạ Long jông jav pêv trôngz siêz” tâu xav tinhv zos iz hâur 3 qơư ju lix zov chênhr hâur tỉnh Sơn La. Luôs hâux lưv tsưr tsix ntênhs ciêz piêr kriê cxuô heir nênhs têx txux chi vênhx huôv thiêz ju lix zuôr paz piêr kriê Quỳnh Nhai têx muôx jông, muôz hâu cêr trâu cxơưz cxiz huôv tsar kinh tế-XH ntơưv qơư./.

                                                            (Thu Thùy-Riê Lâux cxeik, nhênhv)