Công an tỉnh Sơn la nhiv kruôr tsưr tsix muôz huv puz  trâu chor hluôk công an tỉnh Sơn la, uô tâu tiêr cxuô luôs hâux lưv jông shông 2017. Cxuô lênhx hluôk công an Sơn la uô tâu tiêr cxuô luôs hâux lưv jông zos, tir thêir têx nênhs fêv thiêz cơưv shâuv, nhênhz chơưv khoa học, vênhx huôv, thể thao …hâur lực lươngx công an.

Chênhr zos li hêik ntơư, công an tỉnh Sơn la tưz muôz huv puz trâu 14 lênhx hluôk công an-Sơn la uô tâu tiêr cxuô luôs hâux lưv zok muôz tsưx phưv truôx têz qơưs hâur shông 2017./.

                                                                                             (Tsu cxêik nhênhv-BTS)

Đhâu iz ntuk grê têx buô truôx tuk, six hơưv jê lok no, grê grêix buô puz krâur têz qơưk ntơưv huyện Văn Chấn, tỉnh Yên Bái tưz tsar ndê siêz. Muôx kênh thâuv grê buô puz krâur têz qơưk tưz ndê txos 48-49 cxênhz đeiv iz cir. Grê buô puz krâur têz qơưk ndê siêz tưz uô ntâu chuôz zis tsôngv box shir phaz viv tu zus buô tâu gri. Txơưv tiêk li ntơư, ntâu chuôz zis cux lok six cxơưx, tsuôk lav zus chiê mnôngs trơưk hâur ciêz đrôngs. Iz chas ntơư, tiv iz ntuk ntêr tu zus, muôs tsi tâu grê, têx nhuôv buô lok cux muôs tsi yuô pôngz, viv li ntâu chuôz zis tưz tsi zus ntâu têx niêv buô. Nhiv no grê buô ho tsar ndê, têx nhuôv buô lok cux tsi txâuk muôs, viv li gri nhuôv buô cux lok six civ. Đros thiêz grê txix 100-120 cxênhz đeiv iz cir nhuôv buô puz krâur têz qơưk thiêz 75-80 cxênhz đeiv iz cir nhuôv buô tsi puz krâur têz qơưk, luôs hâux lưv yưv pênhr tu zus nhiv no zôngx ziv trâus pôngz pênhr ntâu. Chênhr viv li, grê buô tsar ndê siêz, tsôngv box sđ tsuv max mav tiz jông seiz shuôs, tsi cxoz zênhx max tsar ndê tu zus ntâu. Iz chas co, cux tsuv huôv tsar tu zus li chas cov huv đros chiê txo grêk tsơưs têx tsi jông muôx têx muôx yưv./.

(KT-Riê Lâux cxeik, nhênhv)

Luôs hâux lưv uô hâur shông 2017-2018, lực lươngx muôx vax huôv tỉnh Lai Châu, tưz ro tas 16.300 thiêr ar têz tsêz chos zax zênhz, txo grêk 41.00 ha pir li shông 2016-2017. Ntơư zos tsôngv px tsêz chos trâu thax tsav ntus đriv li: Huyện Tân Uyên, Mường Tè. Lực lươngx công an cux đros hâu nov cxuô tsênhv qơư qênhz yuôx thiêz cxov tâu 3 txuz, tik cêr cxâuv trâu 3 lênhx, uô cxâuv chêi tsêz chos zax zênhz. Zơưv Vũ Xuân Việt, tsar phôngx công an qênhz yuôx, tir thêir zax zênhz tỉnh Lai Châu hêik pâuz:

 “Hâur ntu zuôr txos no, pêz tsênhv zuôr đros cxuô cấp ủy, cxuô ngênhx sik côngv yax kriê tsôngv px tsik tsêz chos zax zênhz. Zos ziv chuôz zis tưs tsênhv tror tsêz chos zax zênhz mak tsuv tik cêr cxâuv hnhar zos đrêiv têz qơưss têx chêi tso tơưv”./.

                                                                                          (Chu cxêik nhênhv-Khắc Kiên)

Ntơưv thax tsav tsênhv qơư huyện Mường Nhé, tỉnh Điện Biên, Công an huyện Mường Nhé đros Phòng PC47 (Công an tỉnh) nhiv kruôr ntêk tâu Si Tờ Phụ, xênhz shông 1984, nhoz ntơưv jok Mường Toong 3, xã Mường Toong, huyện Mường Nhé lok sâuv zuôr muôs, thâux gra zax zênhz tsi trơưk chei. Têx zax zênhz sâu tâu muôx 5 cir. Nhiv no Công an huyện Mường Nhé tsênhv sir jos đros têx cơ quan muôx vax huôv uô tsênhz mênhx txuz plâuz heik sâuv./.

(KT-Riê Lâux cxeik, nhênhv)