Nhiv kruôr đhâu, tỉnh Lào Cai đoanx côngz xưv zos đôngx chir Zax Seo Vần, Ủy viên Ban Thường vụ Tỉnh ủy, Chủ tịch Ủy ban Mặt trận tổ quốc Việt Nam tỉnh Lào Cai uô thơưx chox đoanx tưz muk shuôs thiêz muôz huv puz trâu tsôngv box thax tsav trâus đêx nas ngaz tỉnh Sơn La. Hâur six hơưv nhiv kruôr đhâu, hâur thax tsav tỉnh Sơn La tsi so muôx ntux nas, uô ruôr hiêv tas ntâu lok lênhx nênhs thiêz tsôngv box têx chuôz zênhx chuôz tas. Đêx nas tưz uô tuôs 12 lênhx nênhs, 3 lênhx trâus pôngz plox mông, 10 lênhx trâus moz trâus saz, uô puôk tsuôx 341 luz tsêr (211 luz tsêr mak trâus vâu puôk tsuôx thiêz đêx nas cuôr yôngz, 37 luz tsêr trâus ar, poz jêz cxuz tsi jông tas) thiêz yênhx châuv côngz trênhx cxiv tsa, têx meir uz no, cêr mul lok, qox....trâus đêx nas cuôr yôngz, puôk tsuôx hnhar.... Txix têx trâus uô ruôr hiêv ntơư, đôngx chir Zax Seo Vần, Ủy viên Ban Thường vụ Tỉnh ủy, Chủ tịch Ủy ban Mặt trận tổ quốc Việt Nam tỉnh Lào Cai tưz sik đros pheiz kênh têx cêr pôngz siêz mak tsôngv box tỉnh Sơn La tưz njiz trâus; iz chas co, muôz 500 tsov đeiv nhiêx txix Cuiv nhiêx chơưv paz tỉnh Lào Cai paz tsôngv box tỉnh Sơn La khưx phưx têx trâus uô ruôr hiêv tiv nas chuô uô./.

(KT-Riê Lâux cxêik nhênhv)

Đros njiêz luv “ Cán bộ chiến sỹ công an Điện Biên truôx siêz sik tưr thik muôx tâu yênhx tix pov côngz trâu zơưv Hloz Hôx, viv txiv ngaz têz qơưk, viv tsôngv box li cêr shir phaz”, tas cik hnuz xiêz 7/8, CÔng an tỉnh Điện Biên phuôx tôngv jiês tưr thik no txos tas nro cán bộ, chiến sĩ hâur nganhx. Jiês no zos tưr thik hơưv tos 70 shông hnuz chủ tịch Hồ Chí Minh kruôz kriê công an thiêz 70 shông hnuz chủ tịch Hồ Chí Minh hu lơưs sik tưr thik nhiêv têz nhiêv qơư. Iz chiến sĩ tsuv cxiv tsa tsaz yênhx huôx tôngv tsênhz mênhx, tsi so xar tơưv, uô muôx chêx cuk côngz xưv chuyên môn, sir jos uô tiêr jông cxuô jênhv vưv, cxiv tsa lưx lươngv công an Điện Biên hur si, truôx vênhs. Đại tá Nguyễn Xuân Kiêm, Phưv giám đốc Công an tỉnh Điện Biên heik: “Huiz tôngv tas nro cxix luôk chính trị li đas jos, uô zênhx liv jênhv vuv por vêv txiv ngaz chinhr trị, tuôr truôx txiv ngaz xã hội sâuv thax tsav tỉnh đros qơư tsov txos siêz tiv zix zos tuôr truôx ngaz tul chinhr trị, tsưr qênhx ntux đriv thiêz khối niêv côngv siêz tas nro tsôngv box, seiz no zos jênhv vưv zuôr trâus hâur tas nro Đảng, tas nro quân, tas nro tsôngv box, hâur co lưx lươngv công an zos lưx lươngv uô ntêx nquôk”./.

                          (Vũ Lợi- Txâur Vax cxeik nhênhv)

Đros trâu luôs hâux lưv zok nriêr chơưv paz têx lênhx nênhs trâus pôngz plox mông, thoz huk têx ar, poz jêz, cxiv kho têx côngz trênhx trâus puôk tsuôx, hâux lưv yeik txar têx ziv chuôz zis tsôngv box hâur thax tsav riêz nênhs đhâu têx coz nas chuô lox muk nhoz trâu qơư truôx tuk cux tâu tỉnh Yên Bái thiêz huyện Mù Cang Chải uô zênhx max. Iz chas hâux lưv tsưr tsix yeik txar thiêz phênhz qơư tax trâu 51 chuôz zis, 263 lênhx nênhs muôx vax tsêr trâus đêx nas cuôr yôngz, poz vâu tsi jông tas, huyện Mù Cang Chải cux tưz uô luôs hâux lưv qênhz shuôs thiêz yeik txar 53 chuôz zis, muôx 247 lênhx nênhs nhoz hâur thax tsav riêz nênhs muk nhoz qơư taz por. Têx ziv chuôz zis heik co zos lơưr nhoz jê têx ntus cưx đês cưx ha, têx suôv qơư zôngx ziv muôx tox poz ar lơưk đhâu ntux nas ntêr hnuz ntơưv têx xã Kim Nọi, Dế Xu Phình, La Pán Tẩn, Mồ Dề, Lao Chải, Hồ Bốn thiêz Nậm Khắt. Luôs hâux lưv yeik txar zos têx nuv uô xuz thơưx, lok sâuv muk ntêr mak tsuv xav txos phênhz qơư nhoz trâu têx chuôz zis tsôngv box yeik txar muk nhoz yiêz, viv nhiv no, đhâu coz nas chuô lox tas cik hnuz xiêz 3/8, ntâu chuôz zis tsôngv box tưz lok six nyei, tsi xar nhoz têx qơư kuz./.

(Thừa Xuân-Riê Lâux cxeik, nhênhv)

Đhâu jiês ntux nas nhiv kruôr đhâu đros têx ruôr hiêv lok lênhx nênhs thiêz chuôz zênhx chuôz tas, thax tsav huyện Mường La, tỉnh Sơn La tsênhv tuiv flu đros moz huôv xênhz, viv jiês ntux nas cuôr lơưv 1000 tul tsiêx cxu, keiz ok, 20 hecta ntâu pas njês, sâuv thax tsav muôx têx qơư trâus ngaz lox, moz zôngx ziv huôv xênhz. Sở y tế tỉnh Sơn La tưz chox kriê qơư y tế huyện Mường La chêx chôngk chơưv kho nênhs trâus saz; huiz tôngv lưx lươngv cxaz chuôz khưx phưx têx trâus ruôr hiêv tiv ntux nas; tsưr tsix tsuôk yuôx tas nro têx thax tsav trâus đêx ngaz thiêz heik kriê tsưr ziv yưr lir đêx xênhz huôx trâu tsôngv box. Zơưv Nguyễn Trung Khải, giám đốc Sở y tế tỉnh Sơn La puz pâuz:

“ Ciês hâur tas cik no Sở tưz chox kriê Tsênhv qơư y tế dưv phax tỉnh heik cxaz lưx lươngv tsuôk yuôx tuô caz moz phax tar moz huôv xênhz sâuv muôx ntâu môngr ar, tsiêx cxu trâus tuôs. Tiv oz zôngv têx zav yuôx li Clomin B chiê yưr lir đêx xênhz huôx, đêx nox trâu tsôngv box”./.

( H.Việt- Txâur Vax cxeik, nhênhv)