Lưv lươngv cảnh sát zoz thôngz, Công an tỉnh Điện Biên tsênhv fuô uô luz hlik zov chênhr sơưr tơưv txênhz phax tir thêir têx nênhs uô cxâuv chei, taz por truôx tuk zoz thôngz chiê txo grêk tsơưs têx yêz siz yar siz tsông tâus cêr, lar heik zos têx txuz yêz siz yar siz tsông lox hâur six hơưv  uô ntêx, hâur thiêz đhâu tsiêz têz qơưk.

Thượng tá Trần Văn Vang, Phưv tsar phongx cảnh sát zoz thôngz, Công an tỉnh Điện Biên heik pâuz, hâur jiês no, taz viv zuôr huiz tôngv 100% lênhx canr bôv, chiến sỹ seiz jor, qênhz shuôs têx cêr zov chênhr, hux jos truôx đros têx lưv lươngv cảnh sát txơưr đuô:“Txix ciês hâur shông Phongx Cảnh sát zoz thôngz, Công an tỉnh Điện Biên tưz cxiv tsa tsaz yênhx, tsưr ziv chiê taz por truôx tuk zoz thôngz hâur six hơưv tsiêz têz qơưk. Tso canr bôv chiến sỹ muk qênhz yuôx shuôs têx thax tsav, ntu cêr lêv, nxaz, ndê tox...chiê canr bôv chiến sỹ qênhz yuôx, heik têx lênhx nênhs tsar yêz mul lok qênhz shuôs yêz cov jông thâuv mul lok tâus cêr.... Lar heik têx thax tsav qơư chêx tsôngk chôngz lênhx nênhs chiê taz por yêz thiêz lênhx nênhs muôx cêr mul lok thôngz”./.

(Vũ Lợi-Riê Lâux cxeik, nhênhv)

Tsiêz buô shông, tỉnh tox siêz Yên Bái zuôr tsưr tsix tuô fov ntơưr ntơưv 3 kror qơư, hâur co, muôx oz qơư ntơưv thành phố Yên Bái thiêz iz qơư ntơưv thị xar Nghĩa Lộ. Ntơưv yênhx kror qơư tuô zuôr muôx chor fov ntơưr tuô đros tsênhv njiêz “Hơưv Đảng, hơưv shông yiêz, Hơưv têz qơưk hlôngr yiêz”. Six hơưv tuô zos hâur 15 phênhz, đhâu ciês thâuv txos 12 six iz tas hmo, piz hla trâu shông yiêz.

No zos huôx tôngv chiê paz muôx cêr lov jêv shir phaz chiê tok shông yiêz buô shông; sik đros sik tưr chiê tok hơưv chiv nhêhv 89 shông hnuz yênhx lix Đảng cộng sản Việt Nam, sir jos uô tiêr têx tsưr ziv huôv tsar kinh têr-xar hôiv hâur shông 2019./.

(Thừa Xuân-Lik Thox cxêik nhênhv)

Qir txix tar su hnuz xiêz 7/1, tưz muôx chuô txiêk đros trâu ntux nas lox hâur thax tsav đar, tưz uô phiv liv trâu tỉnh Lai Châu cêr huôv tsar uô nox thiêz luz nênhx xênhz huôx. Trơưk li tsôngv box, no zos coz nas thiêz xoz lox đuô hur si hâur luz cheix no. Thax tsav qơư muôx ntux nas lox đuô hur si zos huyện Sìn Hồ thiêz Phong Thổ, uô tox xưz poz lok cxuz cêr tas, lar heik zos ntơưv têx txox cêr tsênhv cxiv uô, kho đuô.

Zar hnuz kêix xiêz 8/1, ntơưv txox cêr lox 128 muk txix TP Lai Châu trâu huyện Sìn Hồ, iz cxiê ntu tsênhv cxiv kho tsi tâu tiêr, ntux nas lox uô ar, poz jêz xưz poz sâuv tsas ar lok, tưz uô cxuz thiêz cuôr yôngz tas ntâu ntu tsi jông, uô têx yêz meir thiêz yêz kis mul lok tsi tâu đhâu. Ntâu txox cêr tsênhv cxiv kho txơưr đuô hâur thax tsav huyện cux zôngx ziv trâus đêx nas ngaz thiêz xưz poz./.

(Trấn Long-Riê Lâux cxeik, nhênhv)

Txos kaz zar hnuz kêix 7/1, ntơưv cêik cêr 273+900 sâuv txox cêr lox 6, ntu đhâu tiểu khu 3, thị trấn Hát Lót, huyện Mai Sơn, tỉnh Sơn La, tưz muôx yưv iz txuz txiêz nanv zoz thôngz, uô 3 luz yêz ô tô trâus puôk tsuôx hnhar, hmôngr jông tsik muôx lênhx tưs trâus saz.

Thav đros nênhs sâu xor xưv VOV, Trung tá Quàng Anh Dũng, Đội trưởng đội Cảnh sát zoz thôngz, Công an huyện Mai Sơn, tỉnh Sơn La puz pâuz: Nhiv no txuz hâux lưv cux tsênhv tror tâu qênhz yuôx, uô tsênhz mênhx; lênhx tưs muk tsik zos zuôr trâus xưv bluô lơưr cêr chêi têz qơưk. Hok nênhs tsar yêz muk đrâu chor yêz co zos Thượng úy Phạm Châu Giang, cán bộ đội Cảnh sát zoz thôngz, Công an huyện Mai Sơn, zos uô cxâuv lok ngaz tuk zoz thôngz, lênhx tov taz viv zuôr xưv lik truôx lơưr nganhx li cuiz tênhv./.

(Trấn Long-Lik Thox cxêik nhênhv)