Tsôngv box.....! Txix hâur hli 10 txos nhiv no, ntơưv huyện Văn Yên, tỉnh Yên Bái tưz muôx iz zav caz huôv vav lok six sei nox têx blôngx ntông bồ đề. Txos nhiv no, phênhv ntâu têx thax tsav qơư chos ntông bồ đề li: Quang Minh, An Bình, Phong Dụ, Châu Quế Thượng....puôr lênhx trâus caz nox uô ruôr hiêv tas ntâu. Nhiv no, tas nro xã Lâm Giang, huyện Văn Yên, tỉnh Yên Bái tưz muôx 150 ha ntâu hâur hur si 250 ha ntông bồ đề trâus zav caz heik sâuv nox blôngx tas, iz cxiê têx ntông tưz qir kruôr, tuôs jux juk. Hâu nov ntơưv qơư cux tsênhv tror đros tsôngv box uô lơưr ntâu faz tsưr ziv ntor, luôx têx đrox thiêz ntông, tsuôs yuôx tuô lov caz. Zơưv Đào Văn Bộ, Phưv Chủ tịch Ủy ban xã Lâm Giang, huyện Văn Yên, tỉnh Yên Bái heik:

“Pêz heik kriê tsôngv box  ntor, luôx têx đrox, shôngz ntông cêv chiê zôngx ziv tu thiêz tsuôs yuôx tuô lov caz. Tiv 2 zos chêx tsôngk zôngv têx thôngz tênhv tsuôs trâu chor ntông bồ đề txix 2-3 shôngk ntông; yuôr chor 4 shông ntông tror zar sâuv mak zôngv chor meir nox trox. Lok sâuv yuôx tsuôs tuô lov, pêz chox kriê têx qơư muôs yuôx muôs chor yuôx por vêv đrox tsuôs hâur thax tsav muôz cov txâuk têx yuôx trâu tsôngv box tsuôs tuô caz”./.

(Thừa Xuân-Riê cxêik nhênhv)

Xav txos hnuz xiêz 9/11, đhâu 4 hnuz tsik liv cà phê pêv hâur đêx, viv uô đêx vuôz tsuôz kiêk nênhs, công ty tso gruk đêx Sơn la, tưz gruk đêx txix Chiềng sinh lok trâu iz cxiê thax tsav thành phố Sơn la.

Taz sik, viv đêx zâu thiêz chor trax gruk đêx ntơư mê, tsuv phêiz gruk đêx trâu iz cxiê jêx jos jux juk. Nhiv no công ty gruk đêx Sơn La tsênhv taz tov sir jos uô luôs hâux lưv gruk đêx lok trâu px thiêz cơ quan, tsêr kho moz, tsêr cơưv ntơưr sir zôngv./.

                                                                                                       (Tsu cxêik nhênhv-Hoàng Long)

Trơưk li Sở tsưr ziv thiêz yưv pênhr tỉnh Lào Cai, hâux lưv yưv pênhr uô hâur thax tsav muôx ntâu kror uô tâu jông, đros thiêz têx dưv anr hâur thiêz đrâuv luôs 2 chas têz qơưk tuôx yưv pênhr uô yiêz tsar ndê. Tas nro tỉnh nhiv no muôx 174 dưv anr đros thiêz têx pênhr uô zos 25.800 tỷ đeiv, tsar ndê 1.900 tỷ đeiv pir li shông 2016.

Txix hâur shôngk shông txos nhiv no, têx dưv anr hâur thiêz đrâuv luôs 2 chas têz qơưk tuôx dưv pênhr uô li dưv anr côngz trênhx thiêz pênhr uô puôr lênhx tsar ntâu pir shông uô ntêx, viv sir jos trâu uô luôs hâux lưv co. Hâur ntơư, ntâu dưv anr kôngz nuv uô lơưr têx tsưr ziv yiêz, lox đar, jiês xuz thơưx tâu fuô uô, paz hlôngr yiêz ngênhx tsưr ziv hâur yưv pênhr uô hâur thax tsav tỉnh. Lào Cai nhav tiêk, zuôr tror sir jos đros côngv têk, paz têx lênhx nênhs yưv pênhr uô, lar heik zos têx lênhx nênhs yưv ntâu pênhr uô têx hâux lưv lox, thiêz zov chênhr. Iz chas ntơư, tỉnh zuôr chuôz tsar tiês siz chuôs njiz, sik cơưv shâuv têx tsưr ziv uô thiêz muôz jông six hơưv trâu têx lênhx nênhs yưv pênhr xar tuôx yưv pênhr huôv tsar uô nox ntơưv Lào Cai./.

     (An Kiên-Niê cxêik nhênhv)

Xav txos kaz shông 2017, têx pênhr nhiêx tsênhv chêi xã hội tưz muk txos trâu cxuô luz jêx jos thax tsav tox siêz đêz đrôngl ntơưv tỉnh Lai Châu; zos paz trâu yênhx châuv chuôz zis pluôs zuôr tâu yênhx cxênhz tus tsiêx cxu lok tu zus thiêz chos yiêz tâu yênhx cxênhz ha tsoz chos; paz tâu trâu 50 cxênhz ziv chuôz zis muk đhâu cêr yêiz pluôs, zok riêr tâu hâux lưv trâu yênhx cxênhz lênhx nênhs huôv tsar cêr uô nox cov hla đhâu cêr yêiz pluôs.

Nhiv no tsêr nhiêx tsênhv chêi xã hội tỉnh Lai Châu tsênhv taz tov fuô uô 13 luôs hâux lưv muôz  pênhr nhiêx trâu chor chuôz zis pluôs kir txêik-huôv tsar cêr uô nox cov sđ muôx luz nênhx truôx tuk tsâu sor jux juk./.

                                                        (Tsu cxêik nhênhv-An Kiên)