Lơưr UBND tỉnh Lào Cai, txos nhiv no tas nro tỉnh muôx 75 taz viv, tsưr tsix, tiz nênhx khơưk muôz 60 cxênhz ntâu kror huv zos nhiêx txiêx, cxuô zav trâu chor nênhs tâu sơưv cêr chêi, đros tas nro tsiv gri muôx 30 tiv đêiv.

Đrâuv chủ tịch têz qơưk chor huv trâu zuôr xar 4.000 lênhx nênhs muôx côngz tsiv gri 790 triệu đêiv, UBND tỉnh Lào Cai đros chor huyện, thành phố, chor sở ban, nganhx tỉnh tưz muôz tas nro muôx 15,6 tiv đêiv paz tsiêz thiêz zuôr têx hax huv tsiêz trâu chor chuôz zis pluôs, nênhs muôx côngz, nênhs lâul, chor taz viv uô jênhv vưv jor tsiêz thiêz chor Đônx pênhz phax hâur jiês tsiêz. Tsênhv yuôr chor taz viv, doanh nghiệp, tsử rtsix paz xar muôx 14,5 tiv đêiv.

Đros co, 7 huyện tâu paz cxur txix chính phủ thiêz txix nhiêx txiêx tiv phaz, zos: Bắc Hà, Mường Khương, văn Bàn, Bảo Yên, Sa pa, Bảo Thắng, Si Ma Cai cux tưz txêik tâu tas 193 tấn cxur chơưv paz yêiz plaz muôz trau 3.200 ntâu ziv chuôz zis./.

                                                              (An Kiên-Lik Thox cxêik nhênhv)

Krêz uô côngz xưv taz por zav nox hâur six hơưv nox Tsiêz Đêr shông thiêz Ntênhs phêv cheix ntux yiêz shông 2018, nganhx  ytế Sơn la tưz tsưr tsix jiês yax mông thiêz yênhx lix 3 đoanx qênhz yuôx liên nganhx sâuv thax tsav tỉnh, chêx chôngk lol qơư tsiv uô, muôv muôs zav nox khênhr sir zôngv hâur six hơưv nox tsiêz li nduôr thax, chơưr bia, đêx kaz jiz....Đhâu qênhz yuôx 130 ntâu qơư tsiv uô, muôv muôs greix thiêz têx ziv huv cxôngx greix; jâuz tâuv, txir ntông; têx qơư tsiv uô, muôv muôs chơưr bia, thax nduôr; têx qơư muôs jâuz mor tov cêr... sâuv thax tsav hâur six hơưv no, têx đoanx qênhz yuôx tưz pov 45 qơư uô cxâuv thiêz yưr lir hành chinhr chor nhiêx txiêx zos zuôr xar 100 tsov đeiv./.

(Hồng Việt- Txâur Vax cxeik nhênhv)

Lơưr thôngz sâu, txix hâur shôngk shông txos nhiv no, ntux no chênhr no njiv tưz uô 200 tuk nhux tưv nhoz chor tiv phaz hâur tỉnh trâus tuôs. Hâur co, zuôr xar 100 tuk tuôs hâur jiês ntux no chênhr truz ntêr txix hnuz 29/1 txos nhiv no. Qir tiv chênhr cux zos tiv pêx xênhv nhoz chor tiv phaz tox siêz tsênhv tsik tâu tsov cưv txos, tso yar tsiêx cxu thâuv ntux no. zơưv Hà Quang Huy, phưv giám đốc sở kôngz nuv thiêz huôv tsar jêx jok tỉnh Lai Châu puz pâuz:

“Sở kôngz nuv tưz chox kriê chor cơ quan uô hâux lưv, tiv zix zos chi cục thú y hêik chor trạm thú y chor huyện, tiv zix zos chor huyện tox siêz li: Phong Thổ, Sìn Hồ, Mường Tè sir jos sik côngv, qênhz yuôx sâuv thax tsav, nriêr pâuz qiv hơưv. Thiêz yax kriê, hêik pêx xênhv chox têx tsiêx cxu lok cơưv. Kho đuô têx tsêr guôx, thêir vor cov sor trâu tsiêx cxu…”./.

                                                  (Khắc Kiên-Lik Thox cxêik nhênhv)