Tỉnh Sơn La txos nhiv no cux tsênhv yuôr 83 jêx jok, nhoz 21 xar ntơưv chor huyện Phù Yên, Mường La, Mộc Châu, Sông Mã, Vân Hồ, Mai Sơn thiêz TP Sơn La cux tsênhv muôx moz ơưk buô Châu phi tsik tâu đhâu 21 hnuz. Lơưr zơưv Lừ Văn Trường, Chi cục phưv Chi cục tu zus tsiêx cxu tỉnh Sơn La, moz ơưk buô Châu Phi nhiv no cux tsênhv tsik tâu muôx yuôx chiê chơưv kho, cux xưk li vắc xin phax caz moz. Viv li, phax tar caz moz cux zos kror tsưr ziv jông tiv zix. Đros chor chuôz zis tu zus tsik tâu trâus cik moz, lok sik têx thax tsav qơư tsik tâu muôx buô trâus moz, mak sơưr đơưk tsuv sir jos phax tar, xưk li tsuôs yuôx tuô lov caz moz, mfông hmôngr jêz siz iz ndis têx tsêr guôx…Chor chuôz zis tu zus thâuv pov buô muôx moz, trâus tuôs pâuz tsik tsênhz zos tiv li chak tsuv hêik ciês trâu nov hâu thiêz nganhx muôx vax huôv pâuz chiê xưv lik ciês; chor chuôz zis zuôr tror zus tâu, đrâuv uô vêv xênhz têx tsêr guôx mak tsuv zuôr chor nôngz buô pâuz tsênhz qơư, tsik chiê muôx caz moz thiêz tror huôv xênhz caz moz thâuv tu zus./.

(Thu Thùy-Lik Thox cxêik nhênhv)

Nhiv kruôr đhâu, ntơưv thax tsav tus ndêx cxok kuôk cêv đriv têz 85 sâuv thax tsav ntus đriv VN-Lào, Zênhx pênhz phax Mường pồ (bôv đôiv pênhz phax tỉnh Điện Biên) chor  tuz lênhv uô hâux lưv nhoz qơư seiz jor cêr lok phax tar moz gênhs thiêz tir thêir tsi khênhr lênhx nênhs muk lol đhâu đriv têz tsi trơưk chei tưz qênhz pov, ntêk tâu 3 lênhx zos nênhs Lok Tsuôl tuôx trâu VN tsi trơưk chei đhâu thax tsav đruôz đraz 2 tus ndêx cxok kuôk cêv đriv têz sôr 84 thiêz 85, hâur thax tsav jok Tin Tốc, xã Mường Pồn, huyện Điện Biên, tỉnh Điện biên. Chor nênhs trâul ntêk tâu heik sâuv zos: Lý Văn Phón, xênhz shông 1982, Lý Văn Thức, xênhz zus shông 1993 thiêz Lường Thị Sanh, xênhz zus shông 2003 puôr lênhx nhoz ntơưv jok Huổi Lái, Cụm bản Là nầm, huyện Mường Mày, tỉnh Phong Sa Lỳ, têz qơưk Lol Tsuôk. Đhâu qênhz nus sei, chor nênhs heik co krêz lênhk tiêk, lơưr nhiês cêr tuôx trâu VN đhâu tỉnh Điện Biên chiê cxov cheix yêz kruô muk tỉnh Thái Nguyên uô jos. Nhiv no Zênhx pênhz phax Mường Pồn tưz uô tiêr hur si têx ntâuz ntơưr thiêz choz zok chor nênhs no trâu lưv lươngv muôx vax huôv chiê muôz tik cêr cxâuv trơưk li chei têz qơưk cui tinhv./.

(Vũ Lợi-Riê Lâux cxeik, nhênhv)

Zơưv Lồng Xênhv Tsaz, Chủ tịch Ủy ban xã Tà Xi Láng, huyện Trạm Tấu, tỉnh Yên Bái heik pâuz: Hâur thax tsav xã nhiv kruôr muôx iz txuz tuô nênhs, uô iz lênhx nxeik hluôk trâul tuôs; lưv lươngv Công an tsênhv qênhz yuôx, yơưz phơưz lênhx tiz nênhs fêv co. Tsênhv tsênhz: Zar hnuz kêix xiêz 07/11, hâu nov thiêz Công an xã Tà Xi Láng txeik tâu mông heik pâuz, ntơưv jok Làng Mảnh, xã Tà Xi Láng, tsôngv px qênhz pov iz lênhx nxeik hluôk trâul tuôs. Lênhx nxeik co tâu xav zos Shôngx Thị B, 17 shông, nhoz ntơưv jok Làng Mảnh, xã Tà Xi Láng. Thax qơư txuz lênhx nxeik heik sâuv trâul tuôs tsi muôx tênhv tênhz, sóng xor tôngx lok cux txeik tsi yuô tâu jông. Thâuv qênhz yuôx shuôs, xuz thơưx Công an xav muôx têx lênhx nxeik no trâul tuô tuôs, viv tâu qênhz pov thâuv  tuôs ntơư, têx têk tơư cux tsênhv trâul hluô khi trơưr thiêz muôx têx tus nxeik co tưz trâul nênhs fêv kuôz zuôv uô đaz uô tuôs uô ntêx thâuv tsi tâu tuôs.

Txuz nuv co nhiv no tsênhv tâu têx taz viv Công an Yên Bái sik đros qênhz yuôx, yơưz phơưz, zok nriêr lênhx nênhs fêv tuô tuôs lênhx nxeik Shôngx Thị B./.

(Thừa Xuân-Riê Lâux cxeik, nhênhv)

Hnuz 8/11, Tsêr cơưv cxênhx pêz thị trấn Phong Thổ (huyện Phong Thổ) tsưr tsix kriz uô cxiv tsa uô tsêr nhoz trâu chor shux xênhz niêv txir zus mor. Dự jiês kriz uô no muôx chor nênhs siêz jông đros paz nhoz Hà Nội; Hôiv chữ thập đỏ tỉnh; Công an huyện phong Thổ, tsêr cơưv cxênhx pêz thị trấn Phong Thổ. Uô luz tsêr no zuôr paz muôx nzir qơư nox nhoz trâu chor shux xênhz niêv txir zus mor hâur tsêr cơưv. Lơưr co, luz tsêr no tâu cxiv uô muôx 6 qar nhoz, đar muôx 300 thiêr ndis, iz qar mak txâuk trâu 14-16 lênhx shux xênhz nhoz. Đuô li, chor taz viv tsênhv paz cxiv uô thư viện njuôz, tsêr tso yêz trâu shux xênhz thiêz têx chuôz zênhx txơưr đuô chiê paz trâu hâux lưv kriê thiêz cơưv ntơưr hâur tsêr cơưv. Tas nro nhiêx txiêx paz zos 1 tiv đêiv ntâu./.

(Báo LC-Lik Thox cxêik nhênhv)