Uô lơưr UBND tỉnh Sơn La li Cuêz tênhv lok haux lưv paz chor xã txov nhêv tiv zix sâuv thax tsav tỉnh Sơn La, txix shông 2017 txos nhiv no tas nro tỉnh tưz paz trâu 123 xã txov nhêv tiv zix. Ciês ntơưv huyện Thuận Châu, muôx 22 cơ quan, taz viv paz trâu 22 xã txov nhêv tiv zix, zos huyện muôx chor xã tâu paz ntâu tiv zix sâuv tas nro tỉnh. Têx taz viv, cơ quan paz trâu chor xã txov nhêv tiv zix sâuv thax tsav huyện Thuận Châu tưz muk trâu yênhx xã, cxiv tsa têx sở, nganhx li tsưr ziv tsênhv tsênhz huv đros yênhx xã. Paz zuz nôngz, tsoz chos, tsiêx zus, mêir kôngz nuv, choz zok khoa học kỹ thuật, kruôz kriê pêx xênhv tsoz phưz têx tsoz chos. Khov co, têx tsưr ziv paz co muôx tâu chêx cur siêz đuô./.

(VOV4-Lik Thox cxêik nhênhv)

  Uô lơưr têz qơưk tsaz yênhx tsov txos lok cxiv tsa jêx jok yiêz, tỉnh Lai Châu muôx 96 xã tâu thôngz đhâu tsưr ziv njuôk hov cxiv tsa jêx jok yiêz. Taz sik, nhiv no nhiv kruôr muôx muôx 24 xã uô tâu luôs hâux lưv cxiv tsa jêx jok yiêz, yuôr đuô li tsênhv lok six lax uô tâu tiêr trơưk tsưr ziv. Hâux lưv phiv liv yax zos tsôngv box sđ phênhv sâu tâu. Têz qơưk têx tsưr ziv tso tơưv trâu tsôngv box tox siêz phênhv sâu tâu ntu 2013-2015 tsuv tâu txix 18 tsov đeiv iz lênhx nênhs iz shông tror zar sâuv. Txos nhiv no, Lai Châu nhiv kruôr tâu 10 tsov đeiv iz lênhx nênhs iz shông. Chiê đơưk uô tâu têx phiv liv li heik co, trơưk li zơưv Hà Văn Um, Giám đốc Sở Kôngz nuv thiêz huôv tsar tox siêz tỉnh Lai Châu heik pâuz:

“Cur xar, têx thax tsav txov nhêv mak tsuv hlôngr yiêz zuz nôngz tsoz chos thiêz pêz cux xav tinhv zos đros thiêz kôngz krâur, nhiv no phênhv ntâu zos txâuk. Chênhr viv li nhiv no tsuv huôv tsar uô têx kôngz jông. Zuôr txos ntơư muôx têx tỉnh Lai Châu zuôr chiê tsôngv box têx thax tsav uô blêx tsi yuô tâu trơưk tsưr ziv, siêz xar muôz têx liêx têz hlôngr chos tâux chiê muôs trâu tsêr meir tsiv uô têx jâuz, krâur nox tsiêx cxu”./.

                                 (VOV4-Riê Lâux cxeik, nhênhv)

Tỉnh yên Bái zuôr tror kriz uô têx huôx tôngv Vênhx huôv-Du lịch Mường Lò thiêz ntênhk hội ndis shuôk nriêr pâuz lok liêx ntêir Mù Cang Chải 2018. Njuôk xav têx huôx tôngv zuôr tâu piz uô txix hmo 12/10, ntơưv thị xã Nghĩa Lộ.

Thâuv 8 six tsâuk ntux hnuz 12/10, ntơưv tiêx vênhv tôngv thị xã Nghĩa Lộ zuôr muôx chungz kết jiês sik tưr “Nênhs jông gâux Mường Lò” đros muôx 25 lênhx nênhs cxaz chuôz. Hâur jiês no cux zuôr muôx têx huôx tôngv “Yên Bái-nriêr pâuz ndis shuôk têx di sản” ntơưv 3 kror qơư zos thành phố Yên Bái, thị xã Nghĩa Lộ thiêz huyện Mù Cang Chải. Đros co, ntơưv têx xã, jêx jok tsênhv muôx ntâu huôx tôngv vênhx huôv, vênhx nghệ, thể thao jông. Ntâu kror qơư, ntâu jiês ndis shuôk, du lịch jông cux zuôr txêik tok tsôngv kruô tuôx ndis shuôk, uô si hâur jiês no…/.

(Đinh Tuấn-Lik thox cxêik nhênhv)

Xav txos hli 9 nhiv kruôr đhâu, tas nro tỉnh Lào Cai muôx 3.700 ntâu lênhx nênhs trâul muôx zênhk zax zênhz, hâur ntơư phênhv ntâu zos txir nênhx. Pir li shông 2017, chor nênhs trâus muôx zênhk zax zênhz txo grêk zuôr xar 200 lênhx. Nhiv no, muôx nhos 70% chor nênhs trâul muôx zênhk zax zênhz tsênhv tâu seiz car chiv zênhk zênhz ntơưv têx qơư, ciês chiv zênhk zax zênhz txix yuôx Methadone tưz tsav 1.400 ntâu lênhx nênhs. Zơưv Nguyễn Tường Long, Chi cục tsar Chi cục phax tar têx nênhs uô cxâuv chei têz qơưk, Sở Lox tôngv xaz pênhz XH tỉnh Lào Cai heik:

“Ntơưv tỉnh Lào Cai pêz uô ntâu zav tsưr ziv chiv zênhk zax zênhz thiêz kho moz zax zênhz. Pêz tsưr tsix zuôv chiv zênhk zax zênhz, kho moz côngv thôngx, chiv zênhk zax zênhz txưv zênhv thiêz txix yuôx Methadone. Nhiv no, hâur hur si têx lênhx nênhs tâu chiv zênhk zax zênhz txix yuôx Methadone mak muôx 80% tưz chiv zuôr xar tâu”./.

(An Kiên-Riê Lâux cxeik, nhênhv)