Hâi lơ 19/8, Khu pơkuâ Kơpong cheăng kâ ƀă Kơpong kơmăi kơmok kong pơlê Khánh Hòa, tơrŭm khu râ kăn pêi cheăng dêi Grup pơkuâ ExxonMobil (Mih) séa ngăn tơnêi tơníu a kơpong Nam Vân Phong. Khu râ kăn pêi cheăng hiăng séa ngăn a mâu tíu ai tơmeăm vâ mơnhông, tíu ai ƀăng rơdâ, têa kơxĭ trâu, tơdroăng hngêi trăng troăng klông tơ’lêi hlâu. Tiô pơkâ, tơdroăng tơkêa bro ExxonMobil ai tâi tâng kơlo mơ’no liăn cheăng tiô tối hdrối dâng 10 rơtal dollars, tá mâu tơmeăm: hngêi kơmăi chuâ têa châu rơxông nếo, hnôu ‘măn, kơno tuk vâ pơto ƀă kơpong kih thuât ki tŏng gum.

Kố kô cho hngêi kơmăi chuâ têa châu ôh tá mơ’no trếo ‘mêi lo pakong apoăng tung tâi tâng hngêi kơmăi chuâ têa châu dêi Grup, tâng châ pêi pro a Việt Nam. Tiô mâu ngế ki rơkê, Nam Vân Phong, kong pơlê Khánh Hòa châ mơnhên cho tíu ki tơtro iâ ai kô chiâng vâ mơnhông mâu tôh tơrŭm cheăng kơmăi kơmok chuâ têa châu ki kân kơnôm tíu cheăng ton xŏn pơla mâu troăng têa kơxĭ lâp plâi tơnêi, tíu ki iâ khía, têa trâu tơniăn plâ hơnăm ƀă tơnêi achê tơ’lêi hlâu ăm po rơdâ tiô rêm hneăng.

Kơpong kố xuân hiăng hbrâ mâu troăng tơdjêp troăng klông, troăng rơxế lơtreng, tơxâng pơkâ pơto hên têa châu têa kơxăng ƀă tuk ki pơto kân, kâi pơto hngăm.