Ing tơbleăng ƀă tơpui tơno, Kăn xiâm pơkuâ hnê ngăn Đảng tối rơdêi tơdroăng tơkŭm po, tơdah thế krâu, ki rơhêng vâ tối tơmâng tŏng gum mâu kăn teăng mâ cho mơngế ai hnoăng tơnêi têa, ngế hơnăm hiăng krâ, mâu ngế ki ai troăng hơlâ tơnêi têa tŏng gum.

Kố cho roh vâ mơhno tơdroăng ki tơbâ dêi Đảng, Tơnêi têa ƀă mâu ngế veăng gum ăm tơnêi têa. Kăn xiâm pơkuâ hnê ngăn Đảng pơchân tối, kơxô̆ kuăn pơlê ƀă tơmối lăm a Hà Nội roh leh cho hên, pro tơdroăng kal vâ kâ ối, prôk lăm, veăng tơdroăng ki kal. Xua mê, Khu hnê mơhno Tơnêi têa ƀă pơlê kong kân Hà Nội kal hbrâ hên troăng tơdah, tá drêng kong prâi ôh tá tơniăn. Rơtế ƀă tơdroăng ki krâu, ngăn nhuô̆m, tơdroăng gâk kring, tơniăn thế châ tơniăn lĕm, vâ mâu tơdroăng leh tơbâ chiâng hâi leh kân dêi tâi tâng kuăn pơlê.