Tiô tơdroăng châ ‘nâi, a hâi lơ 6/2/2018, drêng Vi [an cheăm Quảng Sơn [ă mâu kăn lăm ngăn a khoản 1, cho a kong 1680 (kong ki xua Ko\ng ti pêi cheăng tiô rơnó môi tung khu Quảng Sơn râk ngăn). Ai dâng 10 ngế dế râng liâ uâ loăng [ă xúa tơkâ vâ trâ, tơku\m, chôu, pơchoh tơnêi go#m văng dêi loăng ki tơná kong hdrối nah.

Drêng châ hlo, kong hiăng tro ko ‘nhiê tâi [ă hiăng pơchoh le\m ối tơkôm troh hâi khế vâ mơdâ pêt

Pak^ng mê, khu râ pơkuâ cheăng châ hlo 7 khu kong hlối vâi ko muih ki achê (ing lô 25 troh lô 59, khoản 1, dêi kong 1680) vâi nếo ko tâi tâng châ 14,8 ha. Kăn [o# rak ngăn kong hiăng rup xo 2 to liâ uâ loăng, 3 to drê vâ trâ, pro hlá mơ-éa a mê hlối rup 5 ngế.

Kơpong kong ki vâi ko ‘nhiê tâi mê tơbăng le\m, tơnêi hơpok há ối tung dế kong, bú kơtăn tíu gak ngăn kong lối 1 km. Mâu loăng hiăng pá hlo, vâi văng, chôu treăm tâi vâ chê 15 ha. Dâng 2 kơpêng 3 tơnêi ki hiăng ăm rơxế pơchoh, rơbliê le\m ối tơkôm troh hâi khế vâ pêt loăng plâi.

A kố, ai hên mâu hơpăm, tung mê, ai tu\m mâu phái kế kâ, tơmeăm kal xúa vâ kâ ôu, pơtê ăm dâng chât ngế. Môi kơdrum mơdâ hdrê ki pơtân dế mơdâ hdrê kơphế. Ngoh Y Lý, ko\ng an cheăm Quảng Sơn, tơring Dak Glong ăm ‘nâi:

‘’Tơnêi kong ki tro ko ‘nhê kố ga hên ‘nâng. Mâu kơ koan, khu râ cheăng a kố hiăng hlo nhên ‘na tơdroăng mê. Thăm nếo khu ki ko hiăng ‘mot tá rơxế pơchoh chêk vâ pơchoh tơnêi. Tơdroăng mơdâ pêt, tâng hmôu pơ lôi tiah mê lối pá 1 khế nếo kô pá vâ mơdât, xua peăng Ko\ng ti ôh tá vâ re\ng mơdât hdrối nah’’

Tơdjâk troh tơdroăng kố, Ko\ng an tơring Dak Glong hiăng thế tăng rup tơdrêng mâu ki xiâm hriăn djâ cho Phan Thành Nghĩa, kot mâ hơnăm 1966, ối a cheăm Quảng Sơn.

Hơpăm châ mâu ki ko ko\ng hbrâ tu\m mâu tơmeăm

Nếo achê pơla kố hiăng rup kroăng tơ’nôm 5 ngế tơdjâk vâ kơ-êng, séa ngăn tơdroăng ki vâi ko ‘nhiê kong. Pôa Đinh Minh Tuấn, Kăn Ko\ng an cheăm Quảng Sơn, ăm ‘nâi:

‘’Tíu ki ko ‘nhê kong maluâ hiăng ai hơpăm gak ngăn, rak vế kong a mê. Tơdroăng tối tơbleăng pơla mâu khứ pơkuâ ngăn kông [ă khu kăn pơkuâ ngăn cheăm tá hâi teăm pêi pro tơdrêng, tá hâi môi tuăn. Kơxo# tơnêi kông trở ko ‘nhê ai lối 10ha, vâi ko ‘nhê hiăng tôn hdrối nah, tí xê môi péa hâi. Tơdroăng kố, kì hlo nhên ga ngế pơkuâ kong pêi tá hâi teăm tâi hnoăng cheăng. Drêng ai kơ koan êng mơnhên mê ngế pơkuâ kông nếo tối tơbleăng, là hdrối mê, tá hâi tối kị klâi ‘na tơdroăng kong a kố hiăng trợ ko ‘nhê hên’’.

Mâu khu râ kơvâ cheăng tơring Dak Glong dế tơku\m po rơdâ séa ngăn mâu tơdroăng, vâ ‘nâi nhên ngế ki lâi, khu ki lâi veăng môi tuăn tung tơdroăng ko ‘nhiê kong. Pak^ng mê, mơnhên tơdroăng ki oh tá vâ tơmâng, hôm ai mâu kăn [o#, mâu ngế pơkuâ rak ngăn kong veăng ‘’môi tuăn [ă mâu ki mê há’’. Pôa Lê Quang Dần, Kăn pho\ pơkuâ ngăn ‘na chiâk deăng [ă mơnhông thôn pơlê dêi kong pơlê Dak Nông tối ăm ‘nâi, Khu xiâm hiăng hnê mơhno ăm Khu rak ngăn Kong pro hồ sơ tơdroăng kố, hlối tơru\m [ă kơ koan ko\ng an séa ngăn, vâ ‘nâi nhên ki tơdjâk dêi rêm pâ, vâ tơleăng mơnhên pro kơtăng tung răk ngăn kong.

‘’Tung hơnăm hiăng luâ, khu rak ngăn kơhnâ khât 'na hnê mơhno pro kơtăng tro tiô pơkâ dêi Khu kăn Đảng kong pơlê, Vi [an kong pơlê tung tơdroăng rak ngăn kong. Khoh chiâng ai tơdroăng tiah mê ngin oh tá tâ khéa, drêng ‘nâi ai tơdroăng mê ngin hiăng hnê mơhno ăm mâu ngế cheăng rak ngăn kong tơru\m [ă mâu kơ koan khu râ pơkuâ cheăng rup pơxâu phâk kơtăng’’.

Kuăn pơlê dế nhôm, hôm ai há mâu ngế pơkuâ rak ngăn kong veăng môi tuăn ăm mâu ki ‘mêi ko kong a Quảng Sơn? Maluâ bú kơtăn ing Tíu rak ngăn kong 1 km tê la hiăng ai chât ha kong tro ko ‘nhiê tâi ‘’ăm rơxế pơchoh klêi mê rơbriê le\m’’ vâ xo tơnêi mê pêt tơmeăm.

Hoàng Qui chêh

Gương tơplôu [ă tơpleăng