VOV4.Sêdang - Klêi kơ’nâi ‘nâi tơ’nôm 2 ngế tâ pơreăng Covid-19, mâu kơ koan ki ai tơdjâk troh kong pơlê Dak Lak hiăng pêi pro mơdât 4 kơpong kuăn pơlê rêh ối ki ai tơdjâk troh 2 ngế ki tâ pơreăng kố, mơdêk kơxo# ngế tâ pơreăng a kong pơlê kố cho 3 ngế. 

Khu ngăn pơkeăng [ă khăm pơlât xôh pơkeăng kơdê pơreăng a kơpho#

Mâu kơpong kuăn pơlê rêh ối châ mơdât mê cho Troăng Hoàng Diệu (troăng ki mot lo [ă troăng Lý Thường Kiệt troh troăng ki prôk troh Hai Bà Trưng); kơpong hơlâ 43/15 troăng Ama Khê, bêng Tân Lập; kơpong hơlâ troăng 13/2/9 troăng Nguyễn Văn Cừ, bêng Tân Lập; kơpong kơxo# hngêi 101, Troăng kân kơxo# 14, thôn 5, cheăm Hòa Thuận.

Rơtế [ă tơdroăng ki mơdât 4 kơpong kuăn pơlê rêh ối tíu ki ai 2 ngế tâ pơreăng rêh ối [ă troh nôkố, kơvâ ngăn pơkeăng Dak Lak hiăng ‘mot tung kơpong klâ ối krê [ă 80 ngế ki ối achê. Tơdrêng amê hnối pơtối tí tăng mâu ngế F1 vâ kơdroh tơdroăng ki tâ tú tung pơlê pơla. Khu ngăn pơkeăng [ă khăm pơlât kong pơlê Dak Lak ăm ‘nâi, tung pơla 4 kơpong kuăn pơlê rêh ối tro mơdât vâ hbrâ mơdât pơreăng, kong pơlê kô pơtroh to\ng kum kế tơmeăm [ă kế kâ vâ kuăn pơlê hmiân tuăn rơtế [ă kơvâ ngăn pơkeăng tung hbrâ mơdât pơreăng.

Katarina Nga tơplôu [ă tơbleăng