Kô cho tơdroăng ki kal xua  kâu lạc ƀộ hnê tối ‘na tơdroăng pơplâ pơlê kong kân Hồ Chí Minh tơ kŭm po. 92 ngế veăng hôp trâm mâ mê cho mâu “reăng meăm thép” lo ing mâu tíu pêi cheăng , đông lêng: Tân Uyên, Dầu Tiếng, Bến Cát, Thuận An ƀă Châu Thành.

Tung ngôi on tơplâ mê, mâu ngế kuăn kơdrâi dế môi chât tơvhê, péa chât hơnăm mê nah hiăng pơtê hơnăm dế ối hdroh, veăng râng pháo lăm plâ xâ, kring gak tíu tơplâ  vâ châ tơleăng lĕm, ‘no hnoăng chêh ‘măn tơdroăng plâ ƀlêi trân pro tơleăng lĕm hdroâng mơngế, lâp tơnêi têa tơrŭm môi. Ngăn ako dêi mâu ngế ki mê nôkố xâk hiăng pôk, kơpeăng kong hiăng rơ xá, la drêng tối troh rơxông ki kâ tung kong koi tung kloh, mâ ngế ki lâi xuân hleăng lĕm hâk tơngăm.