Klêi kơ’nâi khía mơhot kân rôh má 12 plong mot a khế 11 hơnăm nah vâ chê 4 khế, hngêi trung mầm non Hoa Cúc Trắng, a thôn Giang Thanh, cheăm Ea Đah, tơring Krông Năng bu ối to mâu kúa hngêi, trăng tro tơhnâp. Peăng kuâ ki tiăng tôl tro khía mơhot pêi tơhve#ng, go#m xo ‘măn môi tíu a plông hngêi trung.

Cô giáo Thái Thị Hương, Hngêi trung mầm non Hoa Cúc Trắng ăm ‘nâi, sap ing rôh ki kong mê khía mơhot mê nah pro hngêi trung hriâm tơ’nhiê tơ’nhe#ng tâi troh nôkố, tá mâu vâi cô [ă hok tro athế mung hriâm tíu hôp dêi thôn.

Mâu vâi muăn hok tro a thôn Giang Thanh, cheăm Ea Đah, tơring Krông Năng athế hriâm pơtân a tíu hôp dêi thôn

Tơdroăng ki hriâm tâp [ă rêh ối a kố ôh tá tơniăn khât xua toăng hngêi ki pro [a\ tâl kố xuân hiăng tơ’nhiê.

‘’Vâ hnê ăm mâu vâi muăn, mê ngin athế mung tíu hôp dêi thôn Giang Thanh, tơdroăng kố tơpá khât tung hriâm tâp, rơnó khía hngiú pêi mot tung kố gá hngiú khât mâu vâi muăn koi ôh tá chiâng, rơnó tô mê gá tô ó mê vâi muăn hriâm xuân ôh tá kâi. Ngin rơhêng vâ mâu khu, râ kơvâ cheăng re#ng ‘mâi rơnêu vâ cô [ă hok tro ngin ai tíu ối [ă tíu hriâm’’.

Tơdroăng rêh ối dêi kuăn pơlê a thôn Giang Thanh, cheăm Ea Đah ối tơpá khât. Nôkố ai 123 rơpo\ng [ă dâng 500 ngế pơ’leăng mâ mơngế, ki hên cho hdroâng kuăn ngo sap ing peăng kơnho\ng chu rêh ối. Thôn kơtăn ing tíu xiâm cheăm dâng 12 km ki hên cho troăng tơnêi, tơdroăng ki prôk lăm dêi vâi krâ nho\ng o tung thôn xuân tơpá khât.

Pôa Lò Văn Dũng, kăn pho\ pơkuâ thôn Giang Thanh ăm ‘nâi, hlo vâi krâ nho\ng o tơpá tiah mê, khế 5/2017, teăng mâ Đoân viên droh rơtăm Ko\ng an kong pơlê Dak Lak hiăng mơhnhôk mâu khu ki atuăn hiâm hơ-ui kum a pơlê kong kân Hồ Chí Minh to\ng kum 120 rơtuh liăn vâ mơjiâng pro ki nếo hngêi trung hriâm.

Khía mơhot kân rôh má 12 plong mot hiăng tơkâ luâ vâ chê 4 khế, la hnoăng cheăng ‘mâi rơnêu tá châ tối tơbleăng

Laga, mot a poăng khế 11 hơnăm nah, khía hơmot kân rôh má 12 plong mot hiăng pêi tâi mâu tôl, pro hngêi tơhnâp tâi tâng, xuân tá hâi châ ‘mâi rơnêu.

‘’Khía mơhot kân rôh má 12 plong mot gá pro tơ’nhiê tâi hngêi trung [ă troh nôkố xuân tá hâi châ ‘mâi rơnêu, á ôh tá ‘nâi tơdroăng gá tiah lâi? Cho kăn pơkuâ thôn á rơhêng vâ mâu khu râ, kơvâ cheăng ‘mâi rơnêu vâ mâu vâi muăn ai hngêi trung ai lâm vâ hriâm’’

Pôa Nguyễn Xuân Bảy, kăn pơkuâ {ơrô cheăng hnê hriâm [ă hnê mơhno tơring Krông Năng, kong pơlê Dak Lak ăm ‘nâi, klêi kơ’nâi khía mơhot plong mot, kăn pơkuâ [ơrô hiăng lăm chu troh a hngêi trung ki mê, to\ng kum kế tơmeăm, xing xoăng lâm hriâm pơtân vâ tơdroăng ki hnê [ă hriâm ôh tá tro pơtê.

Tơdroăng ki hnê hriâm dêi mâu vâi cô trâm hên xơpá

 Tơdrêng a mê hnối riân ngăn mâu kế tơmeăm ki lu\p, pâ thế Vi [an hnê ngăn tơring Krông Năng ai túa ‘mâi rơnêu.

‘’Drêng khía mơhot hiăng tơkâ luâ, ngin hiăng hnê mơhno kăn pơkuâ hngêi trung tăng tíu vâ hriâm, pôi ăm ai tơdroăng ki hok tro pơtê hriâm klêi kơ’nâi kong mê khía mơhot. Vi [an hnê ngăn tơring hiăng pơcháu ăm {ơrô ngăn chiâk deăng [ă mơnhông mơdêk thôn pơlê cho tíu cheăng ki hbrâ ví kong mê khía mơhot têa kân lân lu dêi tơring lăm séa ngăn [ă pơkâ mơ’no mâu troăng hơlâ vâ re#ng ‘mâi rơnêu. Laga, xua tơdroăng ki ôh tá vâ hmâng dêi mâu kơ koan rak ngăn tơnêi têa, tơmiât hiăng ai hngêi trung hriâm pơtân mê choâ ‘lâng tu hôm vâ ‘mâi rơnêu’’.

Pôa Trương Hoài Anh, kăn hnê ngăn Vi [an tơring Krông Năng tối, tơdroăng ki hrá ‘mâi rơnêu hngêi trung Hoa Cúc Trắng a thôn Giang Thanh, cheăm Ea Đah cho tơdroăng ki ôh tá vâ hmâng dêi tơring. Tung khế 3 kố, Vi [an hnê ngăn tơring kô chêh k^ pơkâ [ă ‘no liăn ai 260 rơtuh vâ ‘mâi rơnêu tâi tâng hngêi trung.

Khía mơhot kân a mơ’nui hơnăm nah, tơring Krông Năng, kong pơlê Dak Lak ôh ti xê tơring ki tro lp ó, la môi to hngêi trung mầm non bu tro tơtêa kuâ hngêi [ă tơđôu trăng ‘na ngiâ xuân tá hâi châ ‘mâi rơnêu. Nôkố hiăng tơdế khế 3, Vi [an hnê ngăn tơring nếo chêh túa pơkâ ‘mâi rơnêu, troh drêng hiăng ‘mâi rơnêu klêi ah mâu vâi muăn hiăng pơtê hriâm.

Tuấn Long chêh

Katarina Nga tơplôu [ă tơbleăng