Apoăng khế 1 hơnăm kố, pôa Y Sen {krông, ngế ki gak ngăn hngêi trung râ má môi Y Wang, cheăm Hòa Khánh, pơlê kong kơdrâm Buôn Ma Thuột, kong pơlê Dak Lak hơniâp ro, phiu niu drêng rơpo\ng pôa hiăng châ pơcháu ăm môi toăng hngêi nếo ki krá le\m. Kố cho hngêi trăng ối tung tơdroăng ‘’Hngêi trăng ko\ng đoân’’ châ Khu ngăn ‘na pêi cheăng dêi pơlê kong kơdrâm Buôn Ma Thuột [ă Ko\ng đoân dêi Hngêi trung râ má môi Y Wang to\ng kum mơjiâng pro vâ chê 60 rơtuh liăn. Pôa Y Sen tối ăm ‘nâi, klêi kơ’nâi mâi pôa hlâ a hơnăm 2012 nah, môi ngế pôa hiăng athế păn roăng, rak ngăn 6 ngế kuăn dế hriâm.

Pôa Y Sen BKrông (ối má péa peăng pá hơ-ếo) châ xo hngêi ki nếo ing tơdroăng ‘’Hngêi trăng dêi ko\ng đoân’’

 Ôh tá ai klâng chiâk, ôh tá pêi lo liăn, tơdroăng rêh kâ ối kơnôm to tơdroăng ki gak ngăn dêi pôa. Xua ti mê, hên hơnăm hiăng luâ, maluâ hngêi trăng ki ton hiăng xi kơchoh, rơpo\ng pôa xuân ôh tá ai liăn vâ ‘mâi rơnêu dêi hngêi trăng. Kơnôm ai tơdroăng to\ng kum dêi rêm râ ko\ng đoân, mê vâi kuăn pâ hiăng châ môi toăng hngêi ki tơtô vâ tơdah Têt.

Rơpo\ng á phiu ro păng ‘nâng drêng ai hngêi trăng nếo kố, hdrối nah kơtiê xáhpá, ôh tá ai liăn vâ mơjiâng pro, troh hơnăm kố ko\ng đoân dêi Hngêi trung [ă Khu ngăn ‘na pêi cheăng dêi pơlê kong kơdrâm hiăng ‘no liăn mơjiâng ăm á môi toăng hngêi, á mơnê hên ‘nâng. Á xuân mơnoê kơ Khu pơkuâ ngăn pêi cheăng [ă Ko\ng đoân dêi Hngêi trung.

Rơtế hơniâp ro drêng ai hngêi trăng ki nếo ahdrối Têt Lo hơnăm nếo Mậu Tuất kố, rơpo\ng pôa Trương Văn Trường, mơngế cheăng tung Ko\ng ti tơlo liăn cheăng ngăn ‘na rơxế pơto kuăn pơlê dêi kong pơlê Dak Lak phiu ro tối ăm ‘nâi, ‘nâi to lâi hơnăm ối tung hngêi ki ton hiăng tơ’nhê, hơnăm kố, kơnôm ai tơdroăng to\ng kum ăm Khu pơkuâ ngăn ‘na pêi cheăng dêi pơlê kong kơdrâm Buôn Ma Thuột [ă ko\ng đoân dêi ko\ng ti, kơnôm ing tơdroăng ‘’Hngêi trăng ko\ng đoân’’, pói rơhêng vâ ai păng ‘nâng hngêi trăng ki krá gak, kân rơdâ vâ tơniăn tung rêh kâ ối.

Hdrối nah, rơpo\ng hngêi á trâm hên xahpá, kơnôm ai tơdroăng to\ng kum dêi mâu khu râ, kơvâ cheăng mê á hiăng châ ối tung hngêi trăng ki nếo kố, hâi Têt dêi rơpo\ng hngêi á, kuăn ‘ne\ng châ tơku\m kâ Têt hơniâp ro.

Pôa Nguyễn Văn Tuấn, Kăn pho\ hnê ngăn Khu pêi cheăng dêi pơlê kong kơdrâm Buôn Ma Thuột tối ăm ‘nâi, tung pơla hdrối kố nah, tơdroăng ‘’Hngêi trăng ko\ng đoân’’ xua Khu xiâm ngăn ’na pêi cheăng Việt Nam hiăng mơ’no tung lâp lu, châ hên ngế doân viên, mâu ki pêi cheăng [ă mâu kơ koan, đông lêng, khu mơdró kâ veăng vâ môi tuăn.

Mâu đoân viên ki trâm pá ‘na hngêi ối hiăng châ xo hlá mơ-éa pơkâ ‘na mơjiâng pro hngêi ối ing tơdroăng ‘’Hngêi trăng ko\ng đoân’’ dêi kong pơlê Dak Lak

Sap ing hơnăm 2012 nah troh nốkố, Khu ngăn ‘na pêi cheăng tơru\m dêi pơlê kong kơdrâm Buôn Ma Thuột hiăng ‘no liăn mơjiâng pro [ă ‘mâi rơnêu 23 toăng hngêi [ă kơxo# liăn ai 670 rơtuh liăn.Tung hơnăm nah hiăng ‘no liăn mơjiâng pro châ 4 toăng ‘’Hngêi trăng ko\ng đoân’’ ăm mâu ngế pêi cheăng ki trâm xahpá. Rêm toăng hngêi mê mơjiâng pro sap ing 40 troh 50 rơtuh liăn, ‘mâi rơnêu châ to\ng kum 20 rơtuh liăn.

Ngin hiăng pơkâ pêi pro a tâi tâng mâu ko\ng đoân chêh xo inâi dêi mâu ngế ki pêi cheăng pơtroh a khu ngăn ‘na pêi cheăng dêi pơlê kong kơdrâm, ngin kô séa ngăn vâ to\ng kum ăm mâu ngế pêi cheăng vâ vâi tơdah Têt tung tơdroăng ki hơniâp ro, sôk suâ [ă ôh tá ăm ai mâu ngế ki lâi ki trâm pá puât ôh tá ai Têt tung hơnăm 2018 kố.

Tơdrêng [ă tơdroăng ki pêi pro hnoăng to\ng kum ăm mâu ngế pêi cheăng, mê tung mâu hâi khế hdrối kố nah, mâu râ ko\ng đoân dêi kong pơlê Dak Lak ối kơhnâ khât tung hnoăng cheăng to\ng kum ăm mâu ngế pêi cheăng ki trâm hên pá puât. Tiô chêh tối dêi Khu ngăn ‘na pêi cheăng dêi kong pơlê Dak Lak ăm ‘nâi, sap ing hơnăm 2013 troh nôkố, mâu râ Ko\ng đoân tung kong pơlê hiăng mơhnhôk khu rak liăn mơjiâng’’Hnêi trăng Ko\ng đoân’’ châ vâ chê 20 rơtal liăn. Ing kơxo# liăn ki kố hiăng ‘no to\ng kum mơjiâng [ă ‘mâi rơnêu châ 595 toăng hngêi ăm đoân viên, mơngế pêi cheăng ki ai tơdroăng rêh ối xahpá ‘na hngêi ối. Krê to tung hơnăm nah, hiăng to\ng kum châ 40 toăng hngêi nếo ăm đoân viên, mơngế pêi cheăng. Ing mê, veăng kum rơtế [ă mơngế pêi cheăng tơkâ luâ xahpá, rak tơniăn tơdroăng rêh ối.

H’Xíu Hmok chêh

Nhat Lisa tơplôu [ă tơbleăng