Rơpo\ng pôa Sồng A Gàng, ối a thôn Phú Vinh, cheăm Quảng Phú, tơring Krông Nô cho môi tung mâu rơpo\ng ki ai ngế kuăn kơdrâi ki nếo châ vêh dêi a hngêi klêi kơ’nâi tro mâu ngế djâ lăm prôk a pơlê kong kân Hồ Chí Minh pêi cheăng.

Pôa Gàng ăm ‘nâi, apoăng khế 3 kố nah, tâng rơkong tơpui lông tối dêi ngế doh a Dak Lak, pôa hiăng ăm phêp dêi kuăn kơdrâi cho Sồng Thị Nênh, 11 hơnăm lăm chu a pơlê kong kân Hồ Chí Minh pêi cheăng, [ă kơlo liăn mohá ai 18 rơtuh/hơnăm, troh a Têt djâ dêi kuăn vêh a hngêi [ă mơdrếo tâi tâng kơxo# liăn pêi cheăng ăm rơpo\ng.

‘’Tâng gá tối ai hên ngế a Dak Lak xuân hiăng lăm prôk. Klêi mê, ai ngế dôh dêi pôa tối ăm gá prôk xua hlo o rơhêng vâ lăm pêi cheăng mê á ăm gá prôk.

Apoăng khế 3 ai rơxế ô tô lăm troh a hngêi chơ gá rơtế [ă mâu vâi muăn ki ê tung thôn chu a pơlê kong kân pêi cheăng. Lăm chu troh a mê muăn gá ối ku\n luâ râ ôh tá kâi pêi cheăng mê gá pâ vêh a hngêi. Klêi mê, ngế ki xo vâi pêi cheăng mê thế vâi lăm chiân vêh a hngêi’’.

Pôa Sồng A Gàng rơtế [ă dêi kuăn kơdrâi 11 hơnăm nếo vêh ing pơlê kong kân Hồ Chí Minh

Xuân môi tiah mê, rơpo\ng pôa Phàng A Hồng, ối a thôn Phú Vinh, cheăm Quảng Phú, tơring Krông Nô, kong pơlê Dak Nông xuân ai 2 ngế kuăn kơdrâi, kuăn ki xiâm 16 hơnăm [ă kuăn kơ‘nâi 14 hơnăm nôkố dế tro mâu ngế ki pơlông djâ chu lăm pêi cheăng a pơlê kong kân Hồ Chí Minh vâ pêi cheăng tung mâu tíu ki pơchoh hmân ếo.

Pôa Phàng A Hồng, ăm ‘nâi, prếi kuăn pôa nếo krếo phôn [ă tối tiah kố, tơdroăng rêh ối a kố gá tơpá khât:

‘’Tâng mâu vâi pú ki ê tối lăm pêi cheăng vâi môi hơnăm ai 18 rơtuh, ôu, kâ vâi ăm tâi. Á ôh tá ‘nâi mê khoh ăm dêi kuăn lăm pêi cheăng, la drêng hiăng troh a mê ôh tá xê to môi tiah tơdroăng ki vâi tơhrâ, ngế ki pơkuâ mê pơklât vâi pêi tâi chôu pơkâ, ôh tá pêi, á rơhêng vâ ăm dêi mâu vâi kuăn vêh.

A mê, ngế ki xo vâi pêi cheăng mê kroăng vâi tung hngêi ôh tá ăm lo pá gong, xua mâu vâi muăn ối tơx^n mê nôkố á kơnôm mâu khu râ pơkuâ cheăng djâ mâu vâi muăn vêh a hngêi [ă ôh tá ăm vâi muăn lăm pêi cheăng vâi xếo’’.

Rơpo\ng pôa Phàng A Hồng ai 2 ngế kuăn tơx^n tro pơloi djâ pêi cheăng a pơlê kong kân Hồ Chí Minh

Pôa Phàng A Chư, kăn [o# măt tra#n thôn Phú Vinh, cheăm Quảng Phú, tơring Krông Nô mơnhên tối, tung pơla hdrối kố nah ai tơdroăng hlo khu ngế ki tơviah troh, vâi tối lăm tăng mâu ngế pêi cheăng cho vâi hdrêng a cheăm. Ki iâ hlái, pôa xuân hlo 3 rôh, pơrá ai rơxế ô tô krâ kơxo# 47 dêi kong pơlê Dak Lak troh chơ.

‘’Ai môi hâi á xuân ối a hngêi mê ai 1 toăng rơxế ô tô krâ kơxo# 47 B… tot a troăng. Á kơtâu troh a mê kơ-êng mê vâi tối lăm chơ xo mâu ngế ki lăm pêi cheăng a pơlê kong kân vâ pơchoh hmân ếo.

Tâng tối tiah mê, á xuân ối kơ-êng nếo, pêi a mê gá tiah lâi, pêi tung ko\ng ti lơ pêi a hngêi krê, [ă kơxo# liăn ai to lâi môi hơnăm, mê vâi tối 18 rơtuh/hơnăm.

Klêi kơ’nâi mê hlo ai 5 ngế sap ing 13 – 14 hơnăm to tung rơxế lăm chu Sài Gòn. Mê cho rôh má 1, kơtăn mê ai 2 hâi ai nếo 1 toăng rơxế ô tô tơdah chơ a Dak Lak.

Troh roh má 3 ai 1 toăng rơxế tot a troăng tơdah xo to lâi ngế ki ối ku\n pơtối prôk nếo mê á tối tơbleăng ăm rêm ngế’’.

Tiô pôa Châu Ru Ni, kăn pơkuâ Ko\ng an cheăm Quảng Phú, tơring Krông Nô, kong pơlê Dak Nông tối, tâng tối ai tơdroăng tiah mê, khu kăn pơkuâ, Ko\ng an cheăm hiăng tơru\m [ă Ko\ng an tơring Krông Nô mơnhên tơdroăng, tơdrêng a mê hnối mơdêk pơkâ mơ’no mâu troăng hơlâ tối tơbleăng mơdêk ki rơkê ple\ng ăm kuăn pơlê, vâ ví tơdroăng ki môi tiah mê lơ trâm nếo tung la ngiâ.

‘’Tung pơla séa ngăn ăm hlo, sap ing apoăng khế 3/2018 troh nôkố, tung cheăm Quảng Phú, tơring Krông Nô hlo ai mâu ngế ki tơviah to rơxế ô tô troh a mâu cheăm kơpong hơngế hơngo vâ rah xo vâi pêi cheăng, tung mê ai 11 ngế muăn ối tơx^n tro khu ngế ki kố rah xo pêi cheăng a pơlê kong kân Hồ Chí Minh.

Mâu ngế ki kố, pro pơxúa ăm dêi tơná tung tơdroăng ki re\ng loi, tơngah, ôh tá hlê ple\ng ‘na luât dêi mâu kuăn pơlê, mê ah chêh pro hlá mơéa tơkêa cheăng, hồ sơ rah xo pêi cheăng ôh tá tro luât, vâi hêak, pro kuăn pơlê tăm nâ. Mâu ngế ki mê lăm troh a cheăm tối tơbleăng rah xo tiô túa ki hmuâ, kơtoâ, ôh tá khên tối tơbleăng ăm khu kăn pơkuâ tơring, cheăm’’.

Tiô Ko\ng an tơring Krông Nô, tung 11 ngế vâi hdrêng ki tro vâi pơlông djâ, prôk troh pơlê kong kân Hồ Chí Minh pêi cheăng, nôkố hiăng ai 2 ngế muăn kơtâu hmuâ vêh dêi a rơpo\ng hngêi, 3 ngế muăn châ mâu kơ koan ki ai tơdjâk chu troh a pơlê kong kân vâ djâ vâi vêh, 5 ngế muăn ki ê hiăng châ mâu khu ki xo vâi pêi cheăng mơdrếo vêh, ối 1 ngế muăn ki ối tơx^n xuân tá ‘nâi tăng hlo, ôh tá ‘nâi tíu ối a lâi.

Đăi u\y Nguyễn Trọng Tâm, Đo#i trưởng Đo#i mơjiâng tơdroăng pơkuâ ‘na kring vế tơniăn, Ko\ng an tơring Krông Nô ăm ‘nâi:

‘’Tung la ngiâ ah, ngin kô tí tăng ‘nâi ple\ng troh tơrêm rơpo\ng kuăn pơlê, tối tơbleăng kum kuăn pơlê ‘nâi ‘na túa tơmiât ôh tá tro, tơku\m vâi krâ nho\ng o k^ tơhrâ, tơdrêng a mê, hnối pơkâ tơleăng mâu ngế ki pơlông djâ ôh tá tro luât mê’’.

Maluâ ki hên mâu vâi muăn ối tơx^n hiăng châ vêh dêi ngi hngêi tơniăn, bú ai 1 ngế muăn tá hâi ‘nâi nhên tiah lâi, la ing mê ăm hlo tơdroăng ki pơlông djâ vâi hdrêng a tơring Krông Nô, kong pơlê Dak Nông lăm pêi cheăng a pơlê kong kân Hồ Chí Minh gá rơ-iô khât.

Pák^ng tơdroăng to\ng kum dêi mâu kơ koan ki ai tơdjâk troh, mâu khu tơru\m pú hên kal athế mơdêk hnoăng cheăng tối tơbleăng, mơdêk ki rơkê ple\ng ăm kuăn pơlê. Malối, cho mâu rơpo\ng kuăn pơlê athế hbrâ kơchăng [ă mâu khu ki pơlông djâ hêak pơloi, tí tăng xo vâi hdrêng lăm pêi cheăng.

Minh Quỳnh chêh

Katarina Nga tơplôu [ă tơbleăng