Reăng a bêng Nghĩa Phú châ pêt rak ngăn tơtro tiô pơkâ

Rơpo\ng jâ Nguyễn Ngọc Lễ ối a tôh 4, bêng nghĩa Phú, pơlê kong krâm Gia Nghĩa, kong pơlê Dak Nông hmâ pêt reăng cúc hiăng ton hơnăm kố. Liăn tê reăng rêm khế xuân pêi lo châ sap 30 rơtuh liăn troh 40 rơtuh liăn liah. A roh mơ’nui hơnăm, riân tiô hâi mâ khế, tơdroăng cheăng dêi rơpo\ng jâ thăm rế tơvâ tơvân; tơdroăng pêi cheăng thâ môi tiah tơ’noăng [a\ hâi khế há.

Rơpo\ng ki pêt xôh pơkeăng vâ reăng tơpo tro rơnó têt

Tu\m 6 ngế tung rơpo\ng thế klâ dêi rơpó rak ngăn lối 200 rơpâu xiâm reăng cúc Đà Lạt [a\ lối 1000 xiâm reăng ly vâ teăm tê ăm khu tê mơdró, mâu kơchơ ki rôe thế k^ rôe hdrối {a\ yă tê dâng 2.500 liăn môi xiâm reăng cúc, tâng reăng tơpo tro rơnó Têt, rơpo\ng jâ Lệ tiô tối hdrối châ pêi lo liăn dâng 300 rơtuh liăn, klêi kơ’nâi xêo tâi tâng kơxo# liăn mơ’no rak ngăn.

‘’Rêm khế, lơ troh Têt xuân tiah mê, á pêt reăng tê hên vâi rôe,ai drêng ôh tá bê reăng vâ tê ăm kơchơ. Tơdah Têt hơnăm kố rơpo\ng á hiăng pêt 200 rơpâu xiâm vâ tê a kong pơlê, mơ-eăm rak ngăn reăng ăm dâi le\m vâ tê tung kơchơ ăm vâi krâ nho\ng o’’.

Xuân ối tung tôh tơru\m cheăng pêt reăng a bêng Nghĩa Phú, reăng rơnó Têt hơnăm kố, pôa Mai Xuân Khai pêt vâ chê 2 rơpâu xiâm reăng cúc tung hngêi hlâm.

Tung pơla kố, mâu nho\ng o tung rơpo\ng pơrá tơku\m rak ngăn dêi reăng sap 5 chôu kơxo troh kơmăng, thăm nếo, pro hyôh tô hngiú tung hlâm châ pôa Khai pêi pro rơkê tơtro. Pôa mơnhên tối, Têt kố kô tê tung kơchơ kơxo# reăng cúc le\m [a\ dâi khât.

‘’Sap ing vâi krâ pêt kơphế, tơdroăng rêh ối vâi ôh tá tơniăn, klêi kơnôm tơdroăng tơkêa bro hơ’lêh hdrê pêt xua pơlê kong krâm [a\ bêng tơru\m to\ng kum ăm vâi krâ ing hdrê troh hngêi hlâm xua mê vâi krâ pơxiâm mơnhông [a\ tơdroăng rêh ối tơtêk. Tối tơchuâm pêt reăng mê tơdroăng cheăng kâ rơpo\ng tơtêk, pêi lo liăn hên, ki hên cho pá ‘na hâi pêi cheăng, thế đi đo lăm ngăn, xế pơkeăng đi đo, hâi ki lâi xuân thế ngăn, laga pêi lo liăn hên’’.

Tôh tơru\m cheăng pêt reăng kố châ mơjiâng ing tơdroăng to\ng kum dêi Vi[an bêng Nghĩa Phú. {a\ tơdroăng mơ’no lối 100 rơtuh liăn apoăng, hiăng kum vâi krâ hmâ [a\ kih thuât pêt reăng tung hngêi hlâm.

Laga pêt ối iâ, bu châ 1 hectar, tôh tơru\m cheăng a bêng Nghĩa Phú cho tíu tê reăng ăm tâi tâng pơlê kong krâm Gia Nghĩa, [a\ hên hdrê reăng. Tung mê, ki hên cho pêt reăng cúc rơbông, muống hồng, tia sao, vàng Đài Loan, tím sen, reăng huệ [a\ reăng cẩm chướng.

Jâ Lê Thị Sáu, Kăn hnê ngăn Khu pơkuâ kuăn pơlê pêi chiâk deăng bêng Nghĩa Phú tối ăm ‘nâi, kơpong kố hdrối nah pêt kơphế hiăng ton hơnăm, hiăng krâ. Pêi pro tơdroăng hơ’lêh hdrê pêt, hiăng khên po rơdâ túa pêt reăng tung hngêi hlâm, châ tơ-[rê ‘nâng.

Klêi kơ’nâi lăm ngăn mâu kơdrum pêt reăng a pơlê kong kơdrâm Đà Lạt, châ hnê ‘na kih thuât pêt reăng, tôh tơru\m cheăng hiăng rah xo mâu hdrê reăng ki tơtro, xúa ki rơkê dêi khoa hok kih thuât [a\ hiăng mơ’no liăn pêt, xua mê pêi lo liăn dêi tôh tơru\m cheăng chôa ‘lâng tơniăn [a\ mơnhông tơtêk.

Jâ Lê Thị Sáu tối ăm ‘nâi, vâi krâ nho\ng o pêi chiâk deăng akố pói vâ po rơdâ pêt reăng, vâ bêng Nghĩa Phú chiâng pơlê reăng môi tiah mâu pơlê reăng a pơlê kong kơdrâm Đà Lạt.

‘’Vâ po rơdâ tơ’nôm [a\ng pêt reăng, [a\ po rơdâ túa pêt reăng ăm mâu rơpo\ng ki ê mê thế ai tơdroăng to\ng kum dêi khu kăn pơkuâ pơlê. Má môi, kô kum pro tơ’lêi hlâu ăm vâi châ mung liăn vâ vâi ai liăn mơ’no cheăng mơjiâng pro hngêi hlâm, po rơdâ [a\ng pêt, mơnhông mơdêk, pêi lo liăn ăm rơpo\ng, vâ mâu rơpo\ng pêt reăng ai tu\m reăng tê ăm kơchơ tung kong pơlê xuân môi tiah mâu kong pơlê ki ê, xua nôkố reăng xuân tá hâi tu\m vâ tê, hên roh leh Têt xuân kal rôe reăng ing Đà Lạt’’.

Ôh tá châ pái măng t^ng xếo cho troh Têt Lo hơnăm nếo Mậu Tuất 2018, mâu kơdrum reăng a bêng Nghĩa Phú, pơlê kong krâm Gia Nghĩa, kong pơlê Dak Nông dế châ rak ngăn khât ‘nâng.

Mâu rơpo\ng tung tôh tơru\m cheăng mơ-eăm vâ reăng tơpo tro roh Têt le\m tơniăn má môi, tê châ yă kơnâ tâ. Ing mê mơnhên dêi tơná, pêt reăng cho kơvâ cheăng kâ ki xiâm a kong pơlê. {a\ Nghĩa Phú kô chiâng kơpong pêt reăng ki hên dêi pơlê kong krâm Gia Nghĩa, kong pơlê Dak Nông.

Hoàng Qui chêh

A Sa Ly tơplôu [a\ tơbleăng