Ngoh Y Linh Niê dế rak ngăn kơdrum reăng dêi tơná

Tơnêi ôh tá ai xếo, ôh tá ai tơnêi vâ pêt loăng plâi ki kơnâ pêi lo liăn a kong pơlê, malối môi tiah kơxái tiu, ngoh Vũ Việt Dũng ối a thôn 7, cheăm Ea Kpam, tơring }ư\ Mgar, kong pơlê Dak Lak rah túa pêt kơxêt.

Bu 1000m2, ngoh Dũng pêt tu\m mâu hdrê kơxêt laga ki hên cho kơxêt pâng ling, kơxêt rêi [a\ kơxêt tâng lâr. Dũng tối ăm ‘nâi, hơnăm 2016 ngoh tăng cheăng pêi [a\ túa pêt kơxêt rêi, xua liăn ôh tá ai hên mê ngoh mơnúa pêt apoăng 1.000 tơdrong kilía, klêi 4 khế, hnêi châ lối 200 kilô, tê [a\ yă 50 rơpâu liăn môi kilô, klêi kơ’nâi xêo liăn mơ’no ngoh châ liăn laih 6 rơtuh liăn.

Ngoh Vũ Việt Dũng séa ngăn dếi kơxêt tâng lâr

Maluâ châ liăn laih ôh tá hên laga mơhnhôk ngoh Dũng vâ po rơdâ pêt kơxêt. Hơnăm 2017, châ mung 100 rơtuh liăn ing kơxo# liăn tăng cheăng pêi dêi Đoân droh rơtăm, ngoh hiăng mơjiâng pro tơ’nôm tíu ki pro tơtô, hngêi pêt kơxêt [a\ mơ’no liăn rôe kế tơmeăm kih thuât pêt kơxêt. Troh nôkố, tíu pêt kơxêt dêi ngoh hiăng pêt tâk troh 10.000 tơdrong kilía tu\m túa, tăng cheăng pêi đi đo ăm 6 ngế pêi cheăng tung thôn [a\ mơhá liăn khế sap 7 – 9 rơtuh liăn môi khế.

‘’Kơxo# liăn 100 rơtuh á mung dêi Đoân droh rơtăm mê mơ’no liăn mơjiâng pro tíu pêt, tíu ki pro ăm tô vâ po rơdâ pêt kơxêt, nôkố [a\ 10.000 to tơdrong kilía rêm rơnó kơxêt tung 4-5 khế á châ liăn dâng 60 troh 70 rơtuh liăn’’.

Xuân rah pêi chiâk deăng tiô troăng mơnhông cheăng kâ, ngoh Y Linh Niê, kot mâ hơnăm 1988, hdroâng kuăn ngo Rơđế a thôn 4, pơlê kân Ea Pô], tơring }ư\ Mgar, kong pơlê Dak Lak hiăng tăng cheăng pêi [a\ túa pêt reăng cúc, pêi lo liăn lối 100 rơtuh liăn môi hơnăm.

Ngoh Y Linh tối ăm ‘nâi, a hơnăm 2004, drêng dế tăng liăn vâ pêt reăng cúc mê ngoh châ mung 20 rơtuh liăn ing kơxo# liăn tăng cheăng pêi dêi Đoân droh rơtăm, châ ai liăn pêi, Y Linh hiăng troh kong pơlê Lâm Đồng hriâm kih thuât pêt reăng cúc [a\ mơjiâng châ tơ-[rê túa pêt reăng cúc a pơlê. Túa pêi cheăng kâ dêi ngoh nôkố ôh tá xê to pêi lo liăn tơniăn mê ối châ hên droh rơtăm tăng troh hriâm [ối túa pêi:

‘’Sap ing châ mung liăn to\ng kum tăng cheăng pêi xua Khu pơkuâ droh rơtăm kong pơlê Dak Lak to\ng kum, á troh mâu kơdrum a Đà Lạt vâ hriâm kih thuât pêt reăng cúc [a\ kơ’nâi mê vêh mơjiâng túa pêt reăng cúc, hiăng ‘nâi kih thuât kơdrum reăng iâ tro tâ pơrea\ng, pêi lo châ hên hiăng kum tơniăn tơdroăng rêh ối rơpo\ng’’.

Ngoh Dũng, ngoh Y Linh bu péa tung kơxo# rơpâu droh rơtăm dêi kong pơlê Dak Lak mơ-eăm rêm hâi vâ pro kro mơdro\ng a pơlê dêi tơná.

Ngoh Y Nhuân {ya\, Kăn pơkuâ hnê ngăn Đoân droh rơtăm Ko\ng san Hồ Chí Minh kong pơlê Dak Lak tối ăm ‘nâi, rơtế [a\ droh rơtăm hriâm rêh ối xêh, tăng cheăng pêi Khu pơkuâ Đoân droh rơtăm Dak Lak hiăng tơru\m [a\ mâu khu tê mơdró, tíu to\ng kum liăn, mơ’no liăn cheăng pêi pro mâu tơdroăng tơkêa bro ăm Đoân droh rơtăm mơnhông cheăng kâ. Troh nôkố, mâu khu râ Đoân dế pơkuâ tâi tâng kơxo# liăn ki che\n mung ing hngêi arak liăn kum rêh ối pơlê pơla lối 630 rơtal liăn, xing xoăng liăn kơd^ng tơnêi têa vâ tăng cheăng pêi dêi Khu xiâm pơkuâ Đoân droh rơtăm ăm 6 tíu cheăng [a\ tâi tâng kơxo# liăn 1 rơtal 200 rơtuh liăn. Ing kơxo# liăn kố hiăng kum droh rơtăm mơjiâng mâu túa cheăng kâ pêt kế tơmeăm khoăng [a\ păn mơnăn mơnôa hiăng châ tơ-[rê, pêi lo châ tơ-[rê cheăng kâ.

‘’Nôkố, hiâm mơno rơkê tăng cheăng pêi dêi droh rơtăm cho tơtro, khu pơkuâ Đoân kong pơlê kô mơhno troăng ‘na tơdroăng xiâm [a\ to\ng kum liăn, droh rơtăm kô rơkê [a\ pêi pro tơdroăng tơmiât tăng cheăng pêi dêi tơná, ki nhên hiăng ai hên droh rơtăm tăng cheăng pêi châ tơ-[rê [a\ veăng kum ăm tơdroăng mơnhông mơdêk tơchuôm dêi pơlê pơla’’.

Đoân viên droh rơtăm tăng cheăng pêi châ tơ-[rê ôh tá xê veăng kum mơnhông mơdêk cheăng kâ kong pơlê, mê ối troh lâp lu, mơhnhôk tơdroăng ai tơmiât rơkê tăng cheăng pêi tung lâp kong pơlê.

Mâu droh rơtăm châ tơ-[rê tung mơnhông cheăng kâ dế kơhnâ veăng hnê mơhno túa ki rơkê tơtro, to\ng kum liăn ăm đoân viên ki ê rơtế tăng cheăng pêi vâ rơtế mơjiâng pơlê Dak Lak rế hía rế kro mơdro\ng.

Hương Lý chêh

A Sa Ly tơplôu [a\ tơbleăng