Festival reăng Đà Lạt roh má 7 nếo mơgêi tung mâu hâi mơ’nui hơnăm 2017, la mâu kơpong kơdrum pêt reăng rêm hdrê  tiô túa pêi cheăng pêt mơjiâng [ă kơmăi kơmok chal nếo, tơnêi pêt rơdâ 6 rơpâu met karê dêi pôa Lương Thanh Nhàn, ối a pơlê reăng Xuân Thành, cheăm Xuân Thọ, pơlê kong kơdrâm Đà Lạt, kong pơlê Lâm Đồng xuân u ối hlo hên khu tơmối tung tơnêi têa [ă kong têa ê lăm ngăn.

Festival hoa Đà Lạt cho môi tơdroăng mơhno túa le\m tro –cheăng kâ ki pơxúa kal dêi kong pơlê Lâm Đồng

Pôa Nhàn tối ăm ‘nâi, maluâ tơbrêi tơbrêh [ă mơdoh hên chôu phut hâi khế vâ hnê tối, tơpui mơhno, tơno khe\n [ă hnê tơdjâ mâu túa ki mơdâ pêt, rak ngăn ăm kuăn pơlê ki lăm ngăn, la tung hiâm mơno đi đo tâ phiu ro [ă hâk tơngăm drêng hiăng veăng mơhno tơbleăng inâi reăng dêi Đà Lạt troh [ă hên kuăn pơlê:

Ti xê krê to á, mê tâi tâng vâi krâ-nho\ng o tung pơlê reăng Xuân Thành kố mê ki pói rơhêng vâ ai hên ngế tơmối lăm troh ngăn vâ ăm hên ngế ‘nâi klê nhên mâu hdrê reăng a kố ga cho dâi le\m păng ‘nâng. Ing mê, châ mơhno tơbleăng dêi inâi reăng pơlê Xuân Thành ki tơná hiăng mơjiâng vâ châ mơ’no tê hên tíu ki hơngế tâ nếo.

Hluâ 7 rôh tơku\m po, Festival reăng hiăng chiâng inâi tơ’mot krâm tơmối tung tơnêi têa [ă kong têa ê.

Ti xê to ai mâu ngế ki pêt reăng a mâu pơlê reăng tiô khôi hmâ dêi Đà Lạt, mâu khu mơdró, pêi chiâk pêi deăng [ă tê mơdró reăng xuân hiăng ‘no hên ivá vâ rơtế tơchuôm ivá mơno [ă khu kăn pơkuâ vâ mơjiâng kơpong kơdrum deăng pêt reăng ki le\m mơnâ, kum ăm kuăn pơlê châ lăm ngăn [ă châ hlo dêi tơmối tung lâp plâi tơnêi.

Tiô pôa Phạm Minh Khang, Kăn pơkuâ ngăn Ko\ng ti pêi cheăng tiô rơnó Quỳnh Hương Đà Lạt, tâi tâng mâu tơdroăng pơrá cho vâ pêi hnoăng cheăng tơchuôm vâ mơhno inâi dêi khu tơmeăm pêt ki kơnía a kơpong tơnêi ai hyôh kong hngiú ki troh ăm rêm kơpong dêi lâp tơnêi têa [ă tung kơpong, tung mê, ai tá khu hdrê reăng:

Festival reăng cho rôh vâ Đà Lạt- Lâm Đồng tơbleăng ki kơnía ‘na reăng, mâu tơmeăm pêi lo ing chiâk deăng ki vâi ô eăng [ă tơmeăm khoăng ki ki le\m tơviah dêi kong pơlê.

Ki pói rơhêng vâ dêi ngin, mê kơnôm ing rêm roh po Festival kố cho vâ mơhno tơbleăng inâi reăng Đà Lạt ăm tâi tâng mâu tơmối. Ki ê nếo, ngin cho mâu ngế kuăn cháu dêi pơlê kong kơdrâm kố xuân vâ veăng mơ’no dêi ivá ki ku\n tơná vâ tơdroăng leh mơd^ng tơchuôm dêi pơlê kong kơdrâm.

{ă tơdroăng kơdo mơ-eăm dêi kuăn pơlê, khu mơdró kâ [ă khu kăn tung pơkuâ ngăn ‘na pêi chiâk deăng, mơjiâng [ă tơbleăng inâi reăng, tơkâ luâ 7 hdroh tơku\m po Festival reăng, ki dâi le\m [ă kơnía dêi reăng Đà Lạt hiăng rế hía rế châ mơnhông mơdêk, chiâng kơpong ki pêt reăng kân má môi [ă châ ô eăng tung lâp tơnêi têa, ai 8 rơpâu ha, tơdâng [ă vâ chê tơdế tơnêi ki pêt reăng dêi lâp tơnêi têa, châ tơdế kơxo# reăng ki tê tung lâp tơnêi têa tê a hngêi kơchơ.

Tơ’mot krâm tơmối tung tơnêi têa [ă kong têa ê troh hyô ngăn

Dế kố, rêm hơnăm, tíu ki kố hiăng tê ăm mâu hngêi kơchơ lối 2 rơtal 500 rơtuh tơkâng reăng tu\m hdrê, ki kơnâ dêi tơmeăm kố tâng vâ riân ngăn châ 750 rơtuh liăn 1 ha 1 hơnăm, tung mê, ki kơnâ dêi reăng ki le\m má môi châ sap ing 800 rơtuh troh 1 rơtal 200 rơtuh liăn tung 1 ha reăng, xuân ai tíu ki pêt reăng ki kơnâ châ troh 3 rơtal liăn 1 ha 1 hơnăm.

Ti xê to pêi lo liăn ing tơdroăng mơdâ pêt reăng, Festival reăng Đà Lạt ối chiâng môi tíu ki châ ô eăng inâi ki pro pơhâk troh hên ngế kuăn pơlê tung tơnêi têa [ă kong têa ê.

Tâng pơchông [ă mâu roh hdrối nah, Festival reăng Đà Lạt rôh kố veăng ai rơtế hên khu mơdró

Tiah mê, kơxo# mơngế tơmối lăm pôu ngăn, ôm hyô tung roh leh mơd^ng kố xuan tâk hên tâng vâ pơchông ngăn [ă mâu hơnăm hdrối, veăng kum ăm kơxo# mơngế tơmối troh ôm hyô a Đà Lạt, kong pơlê Lâm Đồng vâ lăm ngăn, châ hlo, pơtê pơto tung hơnăm 2017 tâk ai dâng 6 rơtuh ngế tơmối. Troh [ă pơlê kong kơdrâm Đà Lạt tung roh Festival reăng pơla hdrối kố nah, Nguyễn Châu Thảo, lo ing pơlê kong kân Hồ Chí Minh ai tối:

Tơmối ôm hyô hâk ro châ xup xo mâu um le\m rơtế [ă reăng

Á hlo tơnêi tíu, kong kế akố le\m ro păng ‘nâng, reăng xuân drêh le\m. Drêng châ ‘nâi ai Festival reăng mê á troh akố vâ xup um xo mâu reăng, tơnêi tíu, kong kế ki le\m akố. Tâng tung 2 hơnăm la ngiâ ah nếo ai Festival reăng á kô lăm troh a pơlê kong kơdrâm kố.

Tiô pôa Valeriu Arteni, Kăn teăng mâ kong têa Romania a Việt Nam tối, ti xê to [ă reăng, mâu tơmeăm ki pêi lo ing cheăng kơmăi kơmok chal nếo, mê Đà Lạt ối ai ivá ki rơdêi kân ‘na mơnhông tơdroăng ôm hyô:

Kố cho roh má 2 á lăm troh a Festival reăng Đà Lạt [ă á hlo tơxâng mơnê ‘nâng tơdroăng ki hiăng mơnhông tơtêk dêi Đà Lạt, ngăn tơdroăng mơdâ pêt reăng cho tíu ki ô eăng inâi ki mê, tơkéa vâ tối xuân cho tíu xiâm pêi chiâk pêi deăng dêi tơnêi têa Việt Nam. Mâu tơmeăm khoăng dêi Đà Lạt xuân hiăng troh a kong têa Romania, troh a hên mâu kong têa ê [ă mơni kô pơtối ai hên túa ki vâ mơnhông mơ’no tê kế tơmeăm troh a kong têa ê.

Plong reăng

Á tơmiât Đà Lạt cho [lêi chiâng tung hnoăng cheăng dêi tơná ki dế tơru\m cheăng [ă lâp plâi tơnêi vâ mơnhông mơdêk inâi dêi chiâk deăng Việt Nam, mơdêk tíu ki ôm hyô kân má môi dêi Việt Nam [ă mơni kô chiâng mâu tíu ki tơ’mot tơmối mot ôm hyô kân dêi châu Á’’.

Pôa Đoàn Văn Việt, Kăn pho\ pơkuâ ngăn Đảng, Kăn hnê ngăn Vi [an hnê ngăn kong pơlê Lâm Đồng mơnhên tối, Festival reăng Đà Lạt cho môi tơdroăng ki kal tung mơhno túa le\m tro, pêi cheăng kâ ki ai pơxúa kal má môi. Tơkâ luâ rêm hdroh tơku\m po cho vâ mơnhên tối, pơ-ô mơngế pêt reăng, mơhno tơbleăng mâu tơdroăng ki kơnía ‘na reăng, ‘na mâu kế tơmeăm ki pêi lo ing chiâk deăng châ ô eăng [ă le\m tro má môi dêi Đà Lạt, kong pơlê Lâm Đồng, môi tiah: kơchâi, chếi, kơphế Arabica [ă ôm hyô ‘na chiâk deăng [ă hên tơdroăng ki ê hía.

Ing mê, vâ kong pơlê châ mơhno tơbleăng inâi, [ă tơmeăm ki pêi lo rơdêi dêi kong pơlê, thăm mơnhông ‘na tơ’mot khu mơdró kâ mơ’no liăn cheăng [ă tối ‘na ki ó rơdêi dêi tơná, mơ’no tối inâi kế tơmeăm pêi lo ing chiâk deăng [ă ôm hyô dêi Đà Lạt, kong pơlê Lâm Đồng hâk tơngah kô kâi châ mơnhông, mơdêk tơdroăng cheăng ki kơnía git tung lâp plâi tơnêi:

Têa pró reăng

Tung leh mơd^ng pơxiâm po Festival reăng mê ngin hiăng châ Khu ngăn ‘na ki rơkê ple\ng tuăn ngôa mơnhên tối inâi ‘’Đà Lạt châ mơdêk ing tơnêi ki hơpok le\m’. Túa ki mơnhông dêi Lâm Đồng [ă inâi kơchâi-reăng dêi Đà Lạt athế djâ troăng ahdrối dêi Đông Nam Á [ă châu Á, [ă mơnhông ‘na kơvâ ôm hyô tiô túa ki ôm hyô a mâu chiâk deăng, [ă ngăn kố cho ivá ki rơdêi.

{ă dế nôkố, ngin hiăng ai hên khu râ, mâu kong têa to\ng kum ngăn khât vâ tơru\m cheăng mơnhông, á ngăn kố cho tíu ki le\m tro tung tơru\m cheăng vâ thăm mơnhông mơdêk kum dêi pó tung pêi lo kế tơmeăm, tung mê, ai tá tơdroăng ôm hyô [ă pêi chiâk pêi deăng cho 2 kơvâ cheăng ki ó rơdêi dêi ngin’’.

{ă ai tá mâu rơxế ôtô ton nah

Tơdroăng ki mơnhên tối inâi ‘Đà Lạt-Kơnôm ing tơnêi hơpok le\m’’ cho ki xiâm hiăng châ tơ-[rê ki kal dêi 7 hdroh tơku\m po Festival reăng Đà Lạt [ă xuân cho hnoăng cheăng pêi, hriăn ple\ng [ă mơnhên tối, đi đo pói rơhêng vâ tơru\m cheăng dêi kuăn pơlê [ă khu kăn pơkuâ a kong pơlê Lâm Đồng. Kố châ ngăn cho roh ki Lâm Đồng pơtối vâ mơdêk châ tơ-[rê mâu kế tơmeăm ki ai xêh hlâu [ă tơdroăng ki mơdâ pêt mơjiâng a pơlê kong kơdrâm Đà Lạt [ă kong pơlê Lâm Đồng rế hía rế kro mơdro\ng [ă krá tơniăn tâ nếo.

Quang Sáng chêh

Nhat Lisa tơplôu [ă tơbleăng