VOV4.Sêdang - Kơ’nâi 2 hơnăm tơbleăng tơdroăng pơkâ dêi tơnêi têa, tơrêm cheăm bêng môi tơmeăm (Pơxá cho OCOP) a kong pơlê Gia Lai hiăng ai 42 tơmeăm pêi lo ing chiâk deăng châ mơnhên tối ing 2 troh 5 hlo\ng  râ kong pơlê. Mơ’nui hơnăm 2020, kơxo# ki mê tiô tối hdrối ai luâ tâ péa hdroh. Ki tơxâng vâi tối, tơdroăng mê hiăng kum hên kuăn pơlê [ă khu pêi cheăng tơru\m a cheăm bêng hiăng mơdêk ki pơxúa tơmeăm pêi lo ing chiâk deăng, kơnôm ing veăng mơjiâng inâi tơmeăm pêi lo, hlối tăng tíu vâ rôe tơmeăm.

Hơnăm 2018, klêi kơ’nâi veăng hriâm ‘na tơdroăng OCOP, rơpo\ng nâ Nguyễn Thị Thanh Xuân, a tôh 3, pơlê kân Ialy, tơring }ư\ Pah, kong pơlê Gia Lai pơkâ pro inâi kơphế Xuân Dương. Rơpo\ng nâ mơjiâng tíu ki mơjiâng pro, chêh inâi [ă tu\m mâu tơdroăng a tơdrong môi tiah inâi, tíu pro, tâ tung tơdrong, chêh inâi ki dâi le\m. Rơtế amê,  rơpo\ng nâ ối kơhnâ ăm mâu kế tơmeăm veăng hên tung rôh po kơchơ tơmeăm pêi lo ing chiâk deăng a tâi tâng mâu kong pơlê, pơlê kong kơdrâm.

Apoăng hơnăm 2020, kế tơmeăm kơphế Xuân Dương châ Ho#i đong mơnhên tối dêi kong pơlê Gia Lai châm châ 3 hơlo\ng OCOP, tơkéa vâ tối cho ki dâi le\m dêi kế tơmeăm, tơdroăng ki vâ chê tê tung kơchơ a kơlo ki hên. Nôkố, kơphế Xuân Dương hiăng châ rơpo\ng nâ tê troh a mâu kong pơlê ki ê tung lâp tơnêi têa:

‘’Kơphế krúa ôh tá xôh pơkeăng kơdê pơreăng, ôh tá xôh pơkeăng nhâ, bu po to nhâ tê, drêng krí xuân rah xo ki le\m, krí plâi hiăng tum tâi; uâ pơliê le\m. Ki dâi le\m kơphế tiah mê ôh tá rơhêng vâ tê kloăng, á roê kơmăi vêh a hngêi á kơ-óu. Apoăng pêi mê athế hriâm tá hâi ‘nâi kơphế krúa, gá pá khât, la klêi mê rế hía kuăn pơlê tơdah roê kơphế krúa kố rế hên’’.

Nâ Nguyễn Thị Thanh Xuân tâ kơphế tung tơdrong dêi rơpo\ng tơná bro

Xuân kơnôm ing veăng tung tơdroăng OCOP, nôkố, rơpo\ng pôa Nguyễn Ngọc Tại, a cheăm Ia Le, tơring }ư\ Pưh, kong pơlê Gia Lai hiăng mơjiâng tơ-[rê inâi chhá trôm Ngọc Tại châ tiô pơkâ 3 to hơlo\ng râ kong pơlê. Pôa Tại ăm ‘nâi, hdrối nah, klêi kơ’nâi kúa xo chhá sap ing loăng trôm, on veăng pôa têng khăng, mê ah tê ăm khu ki roê [ă yă 150 rơpâu liăn tung môi kg.

La nôkố, hdrối vâ tê, chhá trôm dêi rơpo\ng pôa châ uâ pro, tâ tung tơdrong chiâng hên túa, ki hngăm phá tơ-ê dêi rơpó tơtro [ă tơdroăng ki rơhêng vâ [ă mâu ngế ki xúa mê tê châ yă 350 rơpâu liăn tung môi kg. Ôh ti xê to tê chhá trôm dêi tơná, nôkố, pôa Tại hiăng tơru\m tê kế tơmeăm ăm 20 ha chhá trôm dêi mâu rơpo\ng kuăn pơlê tung cheăm Ia Le.

‘’Kế tơmeăm ngin hiăng ai hlâu, la kế tơmeăm ki vâ hbrâ rơnáu ối iâ. Á rơhêng vâ tơdroăng OCOP kố ai hên tơdroăng ki to\ng kum ăm mâu khu tơru\m cheăng. Á rơhêng vâ châ tơdroăng ki to\ng kum sap ing tơdroăng ki kố’’.

Vâ to\ng kum mâu kế tơmeăm OCOP a kong pơlê, tung pơla hdrối kố nah, Khu ngăn ‘na chiâk deăng [ă mơnhông thôn pơlê kong pơlê Gia Lai hiăng to\ng kum mơjiâng kơbong kế tơmeăm OCOP tung mâu siêu th^ [ă mâu tíu ôm hyô ki vâi ô-eăng. Rơtế amê, mâu kơvâ cheăng kơmăi kơmok [ă tê mơdró, túa pơkâ ‘no liăn cheăng hiăng tơku\m po hên lâm hnê hriâm kum kuăn pơlê ki pêi chiâk deăng ‘nâi nhên tơdroăng ki tăng tíu tê, tơpui tơno, mơjiâng inâi.

Ki khât ăm hlo, klêi kơ’nâi 2 hơnăm tối tơbleăng tơdroăng OCOP, kong pơlê Gia Lai hiăng ai 42 kế tơmeăm châ 3 to hơlo\ng troh 5 to hơlo\ng râ kong pơlê. Tung mê, ai mâu kế tơmeăm xiâm hiăng châ kơchơ hâk vâ tê môi tiah Tiêu Lệ Chí, têa kơdruâ Phương Di, hơ’nêh ro têng môi hâi Huy Vũ, kơphế Xuân Dương, chhá trâm Ngọc Tạo.

Tơdroăng ki rơhêng vâ tối, ngế ki pro mâu kế tơmeăm kố ki hên cho mâu kuăn pơlê ki pêi chiâk deăng [ă khu pêi cheăng tơru\m pêi chiâk deăng. Kơnôm ing tơdroăng ki mơjiâng kế tơmeăm tiô tơdroăng ki rơhêng vâ dêi kơchơ, vâi hiăng mơdêk khât [ă pôu râng dêi hnoăng cheăng tâ [ă mâu kế tơmeăm dêi tơná.

Pôa Nguyễn Văn Luyến, kăn pơkuâ {ơrô pêi chiâk deăng [ă Mơnhông thôn pơlê tơring }ư\ Prong, môi tung mâu tíu ki ai hên kế tơmeăm OCOP tung hơnăm hdrối nah ăm ‘nâi:

‘’Mâu khu ki ai kế tơmeăm veăng hâk tơngăm khât, hơnăm kố ai 5 to kế tơmeăm châ mơnhên. Kố cho tơdroăng ki nếo, mê kuăn pơlê apoăng vâi ôh tá hlê ple\ng nhên, la klêi kơ’nâi mê châ hriâm tâp, vâi hiăng ‘nâi tơdroăng ki kal, hơ’năm kơ’nâi ah ăm kế tơmeăm veăng hên tâ hơnăm hdrối’’.

Pôa Tại ăm chhá trôm dêi rơpo\ng tơná troh a mâu rôh po kơchơ kế tơmeăm pêi lo ing chiâk deăng

Pho\ yăo sư, Tie#n sih Trần Văn Ơn, ngế ki kum cheăng ăm tơnêi têa tơdroăng OCOP tối tiah kố, 2 hơnăm hdrối nah, tơdroăng OCOP a Gia Lai hiăng châ tơdroăng ki tơ-[rê ‘na kơxo# kế tơmeăm. Rơtế amê, tơdroăng kố hiăng hơ’leh tơdroăng tơmiât dêi kuăn pơlê ki pêi chiâk deăng [ă khu pêi cheăng tơru\m tung tơdroăng cheăng pêi chiâk deăng.

‘’Apoăng á hlo kong pơlê tá hâi hlê ple\ng khât, la kơ’nâi mê á hlo ki rơkê ple\ng dêi mâu kăn [o# tơring, malối cho mâu kăn pơkuâ Đảng, Vi [an hnê ngăn tơring hiăng châ mơdêk hên. Tơdroăng ki mơnhên cho ai hên tơdroăng cheăng tối tơbleăng. Klêi kơ’nâi tiô tối hdrối hơnăm 2020, kong pơlê kô ai 100 kế tơmeăm châ 3 to hơlo\ng tơngi klêng, kố cho tơdroăng tơ-[rê khât. Tâng ối pơtăng, ngin hlo Gia Lai tung top 10 to kong pơlê ki xiâm ‘na mơjiâng tơdroăng OCOP’’.

Tiô pôa Trần Văn Ơn, tung la ngiâ ah, tơdroăng OCOP a Gia Lai kal pêi pro troh tơdroăng ki mơdêk ‘na tơdroăng ki mơ-eăm dêi kế tơmeăm, tơdrêng amê hnối xúa kơmăi kơmok chal nếo tung tê tơmeăm, rak ngăn tro ki dâi le\m, mơdêk pơkâ tê mơdró vâ tơdroăng kố châ mơdêk ai pơxúa.

Nguyễn Thảo chêh

Katarina Nga tơplôu [ă tơbleăng