VOV4.Sêdang - Kăn hnê ngăn kong pơlê Gia Lai hiăng ai rôh pêi cheăng [ă ngế teăng mâ hngêi trung đại học Canberra (Australia) vâ tơpui tơno mâu tơdroăng ki vâ tơru\m ‘no liăn cheăng. A rôh pêi cheăng, kăn teăng mâ Hngêi  trung đại học Canberra tơbleăng tơdroăng tí tăng ‘nâi ple\ng ‘na tê mơdró [ă ‘no liăn cheăng vâ mơdêk ki pơxúa pơla Australia [ă Việt Nam, ing mê kô tơku\m po hôp tơpui tơno ‘na tơdroăng kố a Gia Lai a khế 4/2018.

A tíu pêi cheăng pơla khu kăn pơkuâ kong pơlê Gia Lai [a\ hngêi trung đăi hok Canberra

Pak^ng mê, teăng mâ hngêi trung xuân tơbleăng mâu tơdroăng vâ tơru\m ‘no liăn cheăng a Gia Lai mơtiah ‘na: mơjiâng ko\ng ti pro kế kâ vâ pro tơpoăng plâi gấk hữu cơ ki le\m tiô troăng hơlâ uâ pơliê [ă kơmăi ki nếo kum Việt Nam châ tơ-[rê tung tơdroăng tê kế kâ ki mơjiâng pro ing kơchâi plâi pôm, tơdroăng tơkêa ‘na ‘mâi pro on tơhrik a mâu hngêi kơmăi vâ ăm tơná mâu hngêi kơmăi kơdroh kơxo# liăn ‘no tung pêi pro, tơdroăng tơkêa veăng tơlo liăn vâ mơjiâng hngêi kơmăi pro têa tôu ro ki kân má môi Austalia, tơdroăng tơkêa pro kơchâi krúa a pơlê kong krrâm An Khê.

Péa pâ hiăng hnê tối hên tơdroăng vâ ti tăng [ă tơdjêp cheăng [ă dêi pó, khu ‘no liăn cheăng, liăn vâ ’no pêi cheăng, khu cheăng ‘na khoa hok a Australia ‘na Gia Lai vâ pêi mâu tơdroăng tơkêa ki tối kơpêng.   

Gương tơplôu [a\ tơbleăng