VOV4.Sêdang - Riân sap ing ‘’Pơlê vâi kơdrâi hdroâng kuăn ngo mơjiâng thôn pơlê nếo’’ ki apoăng châ mơjiâng a thôn Kon Lung, cheăm Đăk Tơ Lung, Tơring Kon Rẫy a khế 10/2018, troh nôkố kuăn pơlê a kong pơlê Kon Tum hiăng ai tơ’nôm 23 ‘’ Pơlê vâi kơdrâi hdroâng kuăn ngo mơjiâng thôn pơlê nếo’’. Ing mê, tơ’mot hên mâu ngế veăng [ă pơtối mơhno ivá, hnoăng cheăng pêi dêi mâu ngế tung khu, vâi kơdrâi tung tơdroăng veăng mơjiâng thôn pơlê nếo.

Tiô Khu pơkuâ ngăn vâi kơdrâi kong pơlê Kon Tum, klêi kơ’nâi 3 hơnăm tối tơbleăng pêi pro tơdroăng pơkâ ‘’pơlê vâi kơdrâi hdroâng kuăn ngo thôn pơlê nếo’’, rêm râ khu vâi kơdrâi hiăng pêi pro, rơkê ple\ng, tối tơbleăng hên tơdroăng pêi pro ai pơxúa, tơtro [ă tơdroăng, tơmeăm khoăng ki ai dêi kong pơlê, tơtro [ă pêi pro tơ-[rê 11 tơdroăng pơkâ dêi ‘’Pơlê vâi kơdrâi hdroâng kuăn ngo thôn pơlê nếo’’ [ă 19 tơdroăng mơjiâng thôn pơlê nếo; thăm rế ai hên vâi kơdrâi mơdêk ivá tung hnoăng mơnhông mơdêk cheăng kâ, rak vế khôi túa le\m tro hdroâng kuăn ngo, rak vế kong prâi tơnêi tíu, kring vế, gak ngăn tơniăn. Troh nôkố, hiăng mơjiâng pro 24 ‘’Pơlê vâi kơdrâi hdroâng kuăn ngo thôn pơlê nếo’’ a tâi tâng 10 tơring, pơlê kong kơdrâm dêi kong pơlê kố.

{ă túa pơkâ ki xiâm ‘’pơlê vâi kơdrâi hdroâng kuăn ngo thôn pơlê nếo’’ a thôn Kon Lung, cheăm Đak Tơ Lung, tơring Kon Rẫy, troh nôkố hiăng pêi klêi tâi tâng 11 tơdroăng pơkâ ‘’Pơlê vâi kơdrâi hdroâng kuăn ngo thôn pơlê nếo’’, veăng kum pêi pro tơ-[rê mâu tơdroăng pơkâ troh ahdrối ‘na thôn pơlê nếo dêi cheăm Đak Tơ Lung môi tiah: Troăng [ê tong mot tung thôn xo\n 5km, kơdrum reăng xo\n 500m; ai môi túa pơkâ ‘’kơdrum, hngêi á ngiât-krúa-le\m’’ [ă 38 rơpo\ng veăng, môi túa pơkâ pế drôu xiâm tơxông ing pló ki pro tơvât [ă rêi, kơtôu loăng kong [ă 10 ngế veăng tơru\m cheăng; rak vế tơdroăng ki tơku\m mơgrúa le\m a mâu troăng prôk [ă kơpong tâ tá kuât a hâi pơtăm rêm măng t^ng; thôn ôh tá ai xếo hngêi ối pơtân, hngêi xi kơchoh.

Vâi nâ o a ‘’Pơlê vâi kơdrâi hdroâng kuăn ngo thôn pơlê nếo’’ Đăk Tăng, cheăm Sa Nghĩa hluăn ing kơtiê kơnôm ing păn ro kơdrâi

Mâu ‘’Pơlê vâi kơdrâi hdroâng kuăn ngo thôn pơlê nếo’’ ki u ối a kong pơlê Kon Tum xuân hiăng mơdêk pêi châ tơ-[rê tung hnoăng mơjiâng thôn pơlê nếo. Mâu pơlê hiăng tối tơbleăng pêi pro châ tơ-[rê mâu tơdroăng pơkâ, môi tiah: Pơkâ ‘na pro troăng prôk tung thôn pơlê, hơlâ troăng mot tung mâu pơlê, ôh tá trâp hliâk môi tiah hdrối nah xếo a rơnó mêi, ki xiâm cho pơlê Kon Hơ Ngo Kơ Tu, cheăm Vinh Quang, pơlê kong kơdrâm Kon Tum hiăng ‘mâi rơnêu 3 to troăng [ă tâi tâng kơxo# liăn ‘no vâ chê 1 rơtal liăn. Tơdroăng pơkâ vâi kơdrâi hdroâng kuăn ngo hâk tơngăm tơdroăng cheăng pêi a rơpo\ng hngêi lơ a tơring, cheăm [ă ‘’Khu tơru\m păn ro kơdrâi’’ a thôn 5, cheăm Diên Bình, tơring Đăk Tô tung mê ai 24 ngế cheăng, păn 78 to ro. A tơring Sa Thầy, ho\ng mâu tơdroăng cheăng, hiăng kum 35 to ro hdrê, chiâ 15 to têa klôh, tơku\m po lâm hnê cheăng păn ro, kum 45 rơpo\ng hluăn ing kơtiê.

Pơlê vâi kơdrâi hdroâng kuăn ngo thôn pơlê nếo Kon Lung, cheăm Đak Tơ Lung

Pak^ng mê, túa pơkâ ‘’Pơlê vâi kơdrâi hdroâng kuăn ngo thôn pơlê nếo’’ a Kon Tum ối pơkâ mơ’no mâu tơdroăng pơkâ, môi tiah: Ôh tá ai vâi hdrêng tro kr^n [ă lo pơtê hriâm; mơjiâng tơnêi tơníu, kong prâi ngiât-krúa-le\m, tơniăn, rơpo\ng hngêi xúa hngêi mơdrah krúa le\m [ă păn roăng tơmeăm hiăng ai kơdroăng, rông; mâu rơpo\ng châ xúa têa krúa le\m, mơdêk hnoăng cheăng dêi tơná tung tơdroăng veăng mơjiâng thôn pơlê nếo; thôn pêi pro châ tơdroăng ki tơniăn ‘na kring vế, gak ngăn  tơniăn tung pơlê pơla [ă ôh tá ai tơdroăng ki pơsăm tối pơsăm tơkêng ki ton môi tiah hdrối nah.

Ki păng ‘nâng gá klêi kơ’nâi 3 hơnăm tối tơbleăng tơdroăng pơkâ ăm hlo, mâu ‘’Pơlê vâi kơdrâi hdroâng kuăn ngo thôn pơlê nếo’’ a Kon Tum ai mâu tơdroăng ki veăng kum kơhnâ, tơ-[rê ăm hnoăng cheăng mơjiâng thôn pơlê nếo a mâu pơlê, cheăm. Vâ pêi pro tơ-[rê tâ nếo tơdroăng pơkâ kố, tung la ngiâ ah, rêm râ vâi kơdrâi a kong pơlê pơtối mơdêk hnoăng cheăng tối tơbleăng troh rêm khu, rêm ngế vâi kơdrâi, mơdêk tơru\m [ă mơdêk mâu kơxo# liăn tơlo vâ to\ng kum ăm mâu pơlê, cheăm mơ-eăm pêi klêi mâu tơdroăng ki pơkâ mơ’no tung hơnăm 2020 – 2025.

Hlá tơbeăng Kon Tum

Katarina Nga tơplôu [ă tơbleăng