VOV4.Sêdang - Kơxo lơ 22/1, Khu hnê mơhno cheăng Tơnêi têa ‘na hbrâ mơdât kâ kơhveăm liăn ngân po hôp roh má 13, ing hnoăng pơkuâ ngăn dêi pôa Nguyễn Phú Trọng, Kăn xiâm pơkuâ hnê ngăn Đảng. Pôa Nguyễn Phú Trọng hiăng kheăn kơdeăn tơdroăng cheăng pêi tung hơnăm 2017, po rơdâ hnoăng cheăng hơnăm 2018.

Tơbleăng a hneăng hôp tối ăm ‘nâi, Khu hnê mơhno tơnêi têa ‘na hbrâ mơdât kâ kơhveăm liăn ngân pơtối hơ’lêh nếo, tơku\m mâu hnoăng cheăng xiâm, mơdêk châ tơ-[rê tung pêi cheăng; tâi tâng mâu tơdroăng châ pêi pro kơtăng, pêi kêi tiô pơkâ, ai tơdroăng tơkâ hluâ pơkâ.

Tung hơnăm 2018, Khu hnê mơhno pơtối pêi kêi đeăng luât ‘na pơkuâ cheăng kâ – rêh ối pơlê pơla [a\ hbrâ mơdât kâ kơhveăm liăn ngân, má lối, cho mâu tơdroăng pêi kêi đeăng luât hbrâ mơdât kâ kơhveăm liăn ngân tiô pơkâ kơxo# 07 dêi Khu xiâm cheăng Kal kí pêi pro Pơkâ tơnêi têa má 6, luât hbrâ mơdât kâ kơhveăm liăn ngân ‘mâi rơnêu, Luât săm tối ‘mâi rơnêu [a\ mâu mơ-éa hnê mơhno tơleăng mâu tơdroăng tơvâ tơvân tung Hbrâ mơdât kâ kơhveăm liăn ngân.

Hnê mơhno pơtối thăm séa ngăn, riân nhên kế tơmeăm khoăng, ki má lối mâu kơvâ ki kuăn pơlê tô tuăn má môi cho kâ kơhveăm liăn ngân, mơ’nhê liăn tê kơtê, thâ mơgêi tối tơdroăng séa ngăn, tơleăng kơtăng mâu ngế ki xôi ‘na pro liăn châ lo pakong, tro lu\p ton, tơdroăng kuăn pơlê rơhêng vâ ‘nâi ple\ng [a\ ki ê hía.

A Sa Ly tơplôu [ă tơbleăng