Tiô tơbleăng dêi Tíu xiâm mơdât pơreăng kong pơlê Dak Lak, tung kong pơlê nếo châ hlo môi ngế hlâ xua tro tâ pơreăng tơngê lo mơheăm Dengue. Kố cho ngế hlâ xua pơreăng tơngê lo mơheăm apoăng tung kong pơlê riân sap apoăng hơnăm troh nôkố. Vâi hdrêng châi tamo hlâ cho kuăn kơdrâi, kot mâ hơnăm 2016, ối a pơlê krâm Ƀuôn Hồ, kong pơlê Dak Lak châ tối cho êi kliêm râ/Khăng kơbrĕn tơngê lo mơheăm Dengue râ.

Klêi kơ’nâi châ hlo ngế vâi hdrêng châi tamo hlâ xua tơngê lo mơheăm, Tíu xiâm mơdât pơreăng kong pơlê Dak Lak hiăng tơbleăng tơdroăng ngế châi tamo ăm Tíu xiâm pơlê kong krâm Ƀuôn Hồ, hnê mơhno mâu troăng séa ngăn, mơgrúa kong prâi, séa ngăn véc-tơ tâ pơreăng ƀă xôh pơkeăng kơdê tri trôu kân. Tơdrêng amê pơtâng tối ăm kuăn pơlê mâu troăng hbrâ, mơdât pơreăng tơngê lo mơheăm Dengue.