VOV4.Xơ Đăng - Tiô Tíu xiâm Hbrâ mơdât châi tamo kong pơlê Dak Lak, a kong pơlê nếo ai tơ’nôm môi ngế hlâ xua COVID-19. Kố cho ngế ki má 2 a Dak Lak hlâ xua COVID-19 tung khế 10 kố. Ngế ki kố kot mâ hơnăm 1932, a thôn Bắc Trung, cheăm Ea Tân, tơring Krông Năng. Hdrối mê, hâi lơ 3/10, ngế ki kố ối hngêi tâ tơbrêi, tơngê, hlối kơ-o hên mê lăm khăm a Tíu xiâm ngăn pơkeăng pơlât tơring Krông Năng, pâk ngăn têa môh rơkong mê yương tĭnh ƀă SARS-COV-2.

Kơpong pơlât ngế ki tro COVID-19 a Hngêi pơkeăng kân kơpong Tây Nguyên

Rơtế tung hâi ki mê, ngế ki kố châ pơtroh troh a kơpong ki pơlât COVID-19 a Hngêi pơkeăng kân kơpong Tây Nguyên. Klêi kơ’nâi 10 hâi pơlât, ƀă xua hơnăm hiăng hên ƀă tơdroăng ki tung châ tro kăng kơbrĕn ki ton, ôh tá ai mơheăm ƀă tá hâi pâk vaccine hbrâ mơdât COVID-19 mê ngế ki kố hiăng hlâ.

VOV Tây Nguyên/Tơplôu: Katarina Nga