Kơxê hâi lơ 3/7, Vi ƀan hnê ngăn kong pơlê Dak Nông tơkŭm po tơbleăng Pơkâ pôk kăn pơkuâ ngăn ‘na pơkeăng ƀă khăm pơlât ki nếo. Tiô Pơkâ dêi Vi ƀan hnê ngăn kong pơlê Dak Nông tơdah xo, pôk jâ Võ Thị Ái Liễu, Kăn pơkuâ Ƀaoh hiêm pơlê pơla kong pơlê Dak Nông pro Kăn pơkuâ Khu ngăn pơkeăng ƀă khăm pơlât, hơnăm bro cho 5 hơnăm sap ing hâi lơ 1/7/2023.

Jâ Võ Thị Ái Liễu kot mâ hơnăm 1977, pơlê xiâm Bình Định. Hriâm Đăi hok Y khoa, Thak sih pơkuâ ngăn tơdroăng cheăng kâ. Hriâm lĭ luâ̆n chĭnh trĭ: Cao cấp. Jâ Võ Thị Ái Liễu hdrối nah cho Ƀok thái pơkeăng pơkuâ kơbong Giám định chi, klêi mê bro kăn phŏ ƀă Kăn pơkuâ Ƀaoh hiêm pơlê pơla kong pơlê Dak Nông (khế 6/2021 troh nôkố).

Sap ing khế 12/2020, jâ Nguyễn Thị Thanh Hương, xua tro pơxâu hôu hiăng mơ’no lo ing pêi cheăng. Ing mê troh nôkố, Khu ngăn pơkeăng ƀă khăm pơlât kong pơlê Dak Nông nếo pôk nếo kăn pơkuâ ngăn ‘na pơkeăng ƀă khăm pơlât.