Kơxo lơ 11/1, o Siu N. (kot mâ hơnăm 2013), ối a thôn Tào Roong, cheăm Ia Pal, tơring Chư Sê pế kêt dro kâ rơtế péa ngế o dêi tơná cho Siu H., kot mâ hơnăm 2020 ƀă Siu T., kot mâ hơnăm 2018. Troh 11 chô 30 phut rơtế hâi mê, mơngế tung hngêi châ hlo vâi hdrêng koi ôh tá tơdrôu a trêi hngêi, nŭm hmâng vâ xua mê vâi hiăng thâ djâ a tíu xiâm Khăm pơlât tơring Chư Sê vâ pơlât.

Drêng mot a hngêi pơkeăng 12 chôu xuân tung hâi ki mê, o Siu N. hiăng ôh tá kâi hiâm xếo, ƀă hlâ kơ’nâi mê ƀă châ mơngế tung hngêi djâ vêh a hngêi. O Siu H xuân hiăng hlâ. O Siu T châ tối hơ-ôu xua hơ’nêh kêt dro iâ, nôkố dế châ pơlât a Khoa Hồi sức tích cực chống độc – Hngêi pơkeăng pơlât vâi hdrêng Gia lai.