Tiô tơbleăng a hneăng hôp, kơxô̆ mơngế hlâ xua pơreăng kôk rơxôk dêi lâp tơnêi têa sap apoăng hơnăm troh nôkố cho 64 ngế, ai a mâu kong pơlê môi tiah: Gia Lai, Nghệ An, Điện Biên, Bình Phước. Tung mê, Gia Lai ai 11 ngế, cho kong pơlê ai kơxô̆ mơngế hlâ xua pơreăng kôk rơxok hên má môi lâp tơnêi têa, xuân đi đo ối má môi ‘na pơreăng kố mâu hơnăm hiăng hluâ.
A hneăng hôp, mâu kăn teăng mâ tơpui tơno ‘na tơdroăng pơreăng kôk rơxok a mơngế a Việt Nam ƀă kơpong Tây Nguyên, pá puât pơloăng mơnúa ƀă mâu troăng pêi; tơpui ‘na mâu troăng pơkuâ ƀă mơdêk pâk vaccine a khu chó; mâu troăng hbrâ mơdât pơreăng kôk rơxok a mơngế; hnoăng dêi khu râ kăn pơkuâ ƀă khu kơvâ ki ai tơdjâk a kong pơlê.
Tiô pơchân tối dêi mâu ngế ki rơkê a hneăng hôp, nôkố pơreăng kôk rơxok xuân tá hâi ai pơkeăng pơlât prêi khât. Troăng hbrâ mơdât châ tơƀrê má môi cho pâk pơkeăng vaccine hbrâ mơdât pơreăng ăm mơnăn păn ƀă pâk vaccine mơdât pơreăng kôk rơxok a mơngế drêng tro chó, miếo kâ nhôm ai pơreăng kôk; châ tơƀrê má môi pâk hdrối 24 chôu klêi kơ’nâi tro kâ.
Viết bình luận