Po tung pơla 2 hâi, lơ 15/6 ƀă lơ 16/6, Khu xiâm ngăn ‘na lo tŏng veăng kong pơlê Gia Lai, Khu xiâm ngăn ‘na mơngế chó chêng tơvê kŏng ƀă kring vế vâi hdrêng kong pơlê Gia Lai tơrŭm cheăng ƀă hngêi pơkeăng ki pơlât mâu chó chêng tơvê kŏng Quy Nhơn, kong pơlê Bình Định tơkŭm khăm tâi tâng ăm vâi hdrêng ƀă mơngế chó chêng tơvê kŏng tung lâp kong pơlê kố.

Tung 2 hâi, hiăng ai lối 200 ngế vâi hdrêng chó chêng tơvê kŏng ki ai tơdroăng rêh ối trâm hên xahpá, ối tung rơpŏng hngêi kơtiê, vâ chê kơtiê, kơpong hdroâng kuăn ngo, vâ kum ăm vâi hdrêng chía prêi lĕm chiâng prôk lăm, pêi pro ki kố ki mê. Mâu vâi hdrêng ki ôh tá mơhúa mê, cho vâi hdrêng ki chó chêng tơvê kŏng ing hâi kot mâ, chó chêng tơvê kŏng xua tro tơngê, tro puih, tro kŭng rŏng ƀă hên mâu tơdroăng ki ai tơdjâk troh chêng kŏng.

Klêi kơ’nâi khăm, mâu ngế, mâu vâi hdrêng ki mê kô châ po, klêi mê kô châ pơlât ƀă mâu kế tơmeăm ki pơtâp chêng kŏng dêi Quy Nhơn, kong pơlê Bình Định. Tung pơla khăm pơlât mê, mâu ngế ki po mê kô châ kum liăn ngân khăm pơlât, pơtâp ƀă mâu tơmeăm khoăng ki vâ ‘mâi rơnêu mâu tơdroăng ki ‘mâi rơnêu.