VOV4.Xơ Đăng - Nôkố kơvâ ngăn pơkeăng pơlât Gia Lai dế tơbleăng pêi mâu tơdroăng hbrâ mơdât hên túa  pơreăng. Tung mê ki rơ-iô má môi cho tơngê lo mơheăm, ai vâ chê 3 rơpâu ngế tâ tú a hên tơring sap ing apoăng rơnó mêi troh nôkố. Pơreăng COVID-19 hiăng kâi mơdât, la rêm hâi, mâu hngêi pơkeăng xuân tối ối ai 10 ngế tâ tú. Tơdrêng amê, mâu pơreăng ki ê môi tiah êi rơtốu krôk, tơngê lo tum hbri hbríu tung châ ƀă pơreăng lo kơtuâ ‘mêi to xuân tâ tú há tâng ôh tá kâi mơdât.

Hlo pơreăng tâ tú rơ-iô, kơvâ ngăn pơkeăng Gia Lai mơdêk hnê tối ăm kuăn pơlê pêi mâu tơdroăng xôh pơkeăng kơdê pơreăng, mơgrúa hyôh kong prâi  vâ kơdroh pơreăng tơngê lo mơheăm. ‘Na tơdroăng pâk pơkeăng mơdât pơreăng Gia Lai tối kô pâk klêi 700 rơpâu klŏng vaccine mơdât êi rơtốu krôk ăm kuăn pơlê tung péa pái khế la ngiâ, mơdêk pâk vaccine mơdât COVID-19 ăm mâu khu hơnăm, malối cho mâu vâi hdrêng ki hbrâ vâ lăm hriâm a hngêi trung.

Gia Lai pâk vắc xin COVID-19 ăm mâu khu hơnăm

Vâ pơ’lêh tơdroăng ôh tá bê tơmâng, tơngôu tung tơdroăng hbrâ mơdât pơreăng COVID-19, Lâm Đồng dế thăm pêi pro hên troăng, ki má lối cho thăm mơnhông tơdroăng pâk pơkeăng hbrâ mơdât pơreăng ăm hok tro hdrối hơnăm hriâm nếo. Nôkố, a Lâm Đồng, mơngế lối 18 hơnăm pâk vaccine COVID-19 trum má 3 bu châ 64,5%, trum má 4 châ 43,5%; vêh pâk trum má 3 ăm vâi hdrêng sap ing tŭm 12 hơnăm tơngi klêng troh pá kơdâm 18 hơnăm xuân bu châ lối 58%.

Xiâm kối xua mâu khu kuăn pơlê ai troăng tơmiât ôh tá bê tơmâng, tơngôu, ôh tá pâk tŭm vaccine hbrâ mơdât pơreăng COVID-19 tiô pơchân tối dêi kơvâ khăm pơlât. Vâ hbrâ mơdât tơdroăng pơreăng COVID-19 châ tơƀrê lĕm, mơdêk kơxô̆ mơngế veăng pâk, kong pơlê Lâm Đồng dế pêi pro tơdroăng pâk vaccine COVID-19 tung lâp kong pơlê, tung mê, tơkŭm kơjo pâk klêi trum má 3 ăm mâu ngế hok tro cho hok tro sap ing 12 troh pá kơdâm 18 hơnăm ahdrối mot hơnăm hriâm nếo 2022 – 2023.

Gương tơplôu ƀă tơbleăng