VOV4.Xơ Đăng -  Kong pơlê Gia Lai dế tơbleăng hên troăng rơhlâ vâ pơtối mơdêk kơxô̆ pâk vaccine COVId-19 ăm vâi hdrêng ing 5 troh 12 hơnăm. Vâ mơdêk kơxô̆ mơngế pâk kong pơlê hiăng po mâu tíu lăm pâk troh a mâu pơlê. Pôa Đinh Hà Nam- Kăn phŏ pơkuâ ngăn Hngêi pơkeăng Gia Lai ăm ‘nâi, tâi tâng kơxô̆ vâi hdrêng ing 5 hơnăm troh pá xôp 12 hơnăm a kong pơlê ai tŭm vâ pậ vaccine COVID-19 ai lối 212.000 ngế muăn.

Tíu pâk pơkeăng a pơlê kong kơdrâm Pleiku

Riên troh kơxo lơ 10/8, kong pơlê Gia Lai hiăng pâk châ lối 170.700 klŏng vaccine trum má 1 ƀă  lối 87 .700 klŏng trum má 2 ăm khu hơnăm ki mê,  châ pơkâ kơxô̆ pâk trum má 1 lối 80,45%, trum má 2 ai 39, 46%. Tiô pôa Nam, ƀă kơxô̆ ki tiah nôkố, kong pơlê Gia Lai ối má 27 tung lâp tơnêi têa tung tơdroăng pâk vaccine ăm vâi hdrêng 5 hơnăm troh 12 hơnăm. Vâ pơtối mơdêk kơxô̆ pâk vaccine  COVID-19 ăm khu hơnăm ki mê, kong pơlê Gia Lai hiăng ƀă dế mơ-eăm tơbleăng hên mê cho: tơrŭm krá pơla kơvâ tối tơbleăng, kơvâ hnê hriâm tung hnê tối ăm mâu nôu pâ hok tro; mơdêk séa ngăn, hnê tối ăm kuăn pơlê a pơlê cheăm thế lăm pâk .

Gương tơplôu ƀă tơbleăng