Kơvâ ngăn pơkeăng ƀă khăm pơlât kong pơlê Gia Lai hiăng pơchân tối kuăn pơlê pêi pro mâu troăng hbrâ, mơdât pơreăng, ki rơhêng vâ tối ƀă vâi hdrêng ối kŭn tung hngêi trung hriâm, vâ veăng kum kơdroh tơdroăng tơ’lêi xông tâ tú. Tung pơla lối 1 khế kố, mâu hngêi pơkeăng râ kong pơlê a Gia Lai hiăng châ hlo lối 3.000 ngế châi khêi mâ.

Tung mê, lối tơdế châ khăm ƀă pơlât a mâu hngêi pơkeăng chuyên khoa a pơlê kong kơdrâm Plei Ku. Tơdâng, rêm hâi, rêm hngêi pơkeăng tơdah, pơlât dâng 50 ngế châi khêi mâ, ai hâi lối 100 ngế. Vâ mơdât châ tơƀrê pơreăng châi khêi mâ, Tíu xiâm mơdât pơreăng kong pơlê CDC Gia Lai hiăng ai mơ-éa pơtroh mâu khu pơkuâ ngăn pơkeăng ƀă khăm pơlât 17 tơring, pơlê kong krâm, pơlê kong kơdrâm.

Pơtối mê, pơkâ thế mâu khu pơkuâ ngăn pơkeăng ƀă khăm pơlât thăm pơtâng tối, séa ngăn, rĕng châ hlo ƀă mơdât tíu pơreăng châi khêi mâ xông tâ tú tung kong pơlê.