Gia Lai: Pơreăng tơngê lo mơheăm xuân tâ tú rơ-iô, 1 ngế hlâ
Thứ ba, 13:54, 19/09/2023
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Tiô Tíu xiâm Hbrâ mơdât châi tamo kong pơlê Gia Lai, sap ing apoăng hơnăm troh nôkố, lâp kong pơlê ai 3.160 ngế tro pơreăng tơngê lo mơheăm, tung mê ai 1 ngế hlâ.
Ngế ki hlâ xua pơreăng tơngê lo mơheăm mê cho kơdrâi (kot mâ hơnăm 1981) ối a thôn Hòa Bình, cheăm Bàu Cạn, tơring Čư̆ Prông, kong pơlê Gia Lai. Ngế ki hlâ mê, châ tối cho tro pơreăng tơngê lo mơheăm Dengue râ. Tíu xiâm Hbrâ mơdât châi tamo kong pơlê Gia Lai hiăng pâk xo mơheăm dêi ngế ki tro mê a hngêi pơkeăng pơtroh ăm Viê̆n vệ sinh dịch tễ Tây Nguyên vâ séa ngăn.
Klêi mê, ‘nâi yương tĭnh ƀă tuyp virus Dengue I, kơvâ ngăn pơkeăng ƀă khăm pơlât tơring Čư̆ Prông ƀă cheăm Bàu Cạn hiăng tơrŭm séa ngăn tơnêi tơníu kong prâi a thôn Hòa Bình ƀă tơbleăng mâu troăng hbrâ mơdât pơreăng tơngê lo mơheăm.
Viết bình luận