VOV4.Xơ Đăng - Sap hâi lơ 4 troh hâi lơ 7/10, a Tíu xiâm tơbleăng cheăng pêi Gia Lai, Khu pơkuâ cheăng pêi – Mô đô̆i rong ƀă pơlê pơla kong pơlê tơrŭm ƀă Hngêi pơkeăng Hoàn Mỹ Đà Nẵng tơkŭm po rah khăm plâi nuih tê kơtê ăm vâi hdrêng. A roh khăm apoăng, mâu ƀok thái pơkeăng rah khăm, hnê mơhno ăm vâ chê 200 ngế vâi hdrêng tro châi plâi nuih sap ing pơxiâm kot mâ môi tiah: hmâ tro kơ-o, kơ-o khô khôh đi đo hên xôh, hiâm rĕng, nuih tro kơhlong drêng hrik hiâm, êi xôu, êi troăng hiâm ƀă hía hé. Ƀă vâi hdrêng hiăng châ pâ pơlât mê krếo troh vêh khăm ngăn ivá.

Mâu ƀok thái pơkeăng rah khăm tê kơtê ăm vâi hiêng

Tiô tối hdrối, troh tâi hâi lơ 7/10, mâu ƀok thái pơkeăng kô rah khăm ăm dâng 3.000 ngế vâi hdrêng tung lâp kong pơlê. Klêi kơ’nâi mâu vâi o châ rah khăm ƀă ai pơkâ pâ pơlât, kô châ tŏng kum kơxô̆ liăn pâ pơlât tiô pơkâ. Kố cho môi tung mâu tơdroăng pêi rêm hơnăm dêi Khu pơkuâ cheăng pêi Mô đô̆i rong râ ƀă Rêh ối pơlê pơla kong pơlê Gia Lai tung tơdroăng tơmâng, rak ngăn troh vâi hdrêng ôh tá mơhúa tro tâ pơreăng châi plâi nuih sap ing pơxiâm kot mâ.

VOV Tây Nguyên/Tơplôu: A Sa Ly