Hlo kong mêi kong tô hmâng vâ, pơreăng tơngê lo mơheăm a Gia Lai dế hlo tâ tú rơ-iô ƀă lối 700 ngế tâ tú riân sap apoăng hơnăm troh nôkố. Tiô Tíu xiâm Séa ngăn mơdât pơreăng kong pơlê Gia Lai, tơngê lo mơheăm tâ tú hên a tâi tâng 17 tơring, pơlê kong krâm, ƀă ai 732 ngế tơngê lo moheăm, tâk 2,4 hdroh tâng vâ pơchông ƀă hơnăm nah.

Mâu tơring ai hên ngế tâ pơreăng cho Krông Pa, Ayun Pa, Ia Pa, pơlê kong kơdrâm Plei Ku. Xuân tiô kơvâ ngăn pơkeăng tơngê lo mơheăm kô pơtối tâk ƀă mơni kô tâ tú rơ-iô tung la ngiâ drêng kong mêi hên, pro hyôh kong prâi hngiâm kơchoh, cho tơdroăng ki tơ’lêi ăm mâu kiâ ngu ngĕng, ôa, rối, tritrôu xông rơdêi, rế hên.

Xua ti mê, tơdrêng ƀă tơdroăng mơ-eăm dêi kơvâ ngăn pơkeăng tơdroăng pơkâ pêi pro cho kuăn pơlê thế hlê xêh ‘na tơdroăng hbrâ mơdât pơreăng tơngê lo mơheăm.