VOV4.Xơ Đăng - Tiô Tíu xiâm mơdât pơreăng kong pơlê Gia Lai, nôkố tơngê lo mơheăm hiăng xông tâ tú a tâi tâng 17 tơring, pơlê kong krâm, pơlê kong kơdrâm ƀă 2.414 ngế tro tâ pơreăng, tâk lối 6 xôh tâng pơchông ƀă roh kố hơnăm nah. Bu sap ing khế 6 troh nôkố, Gia Lai hiăng ai dâng 2.000 ngế tro tâ pơreăng tơngê lo mơheăm. Mâu tơring ai kơxô̆ ngế tro tơngê lo mơheăm hên cho tơring Ia Grai, pơlê kong kơdrâm Plei Ku, Krông Pa, Ia Pa ƀă hía hé.

Hngêi pơkeăng pơlât vâi hdrêng Gia Lai pơlât ăm mâu ngế tro tâ pơreăng tơngê lo mơheăm

Xuân tiô kơvâ khăm pơlât Gia Lai, kơxô̆ mơngế tro tâ pơreăng tơngê lo mơheăm kô pơtối tâ troh khế 10 hơnăm kố xua rơnó kố ai kong mêi hên, kong prâi hngiâm kơchoh, cho kong prâi tơ’lêi vâ kiâ ngu ngĕng xông tâ tú. Xua mê, pakĭng mâu tơdroăng mơ-eăm dêi kơvâ khăm pơlât tung hbrâ mơdât pơreăng tơngê lo mơheăm mê kuăn pơlê kal tơmâng hên tâ troh tơdroăng mơgrúa kong prâi, ki rơhêng vâ tối cho ôh tá ăm têa toăng rơtâ tá hngêi, mơdât ôh tá ăm kiâ ngu ngĕng, kiâ ngu ngĕng chiâng kơtâ ai kuăn.

Gương tơplôu ƀă tơbleăng