Hâi lơ 22/9, Hngêi pơkeăng tơring Krông Pa, kong pơlê Gia Lai tơbleăng tối ai môi ngế hlâ xua tro pơreăng rơxok cho o Ksor Kiêm (8 hơnăm, kuăn ngo Jarai, ối a ƀuôn Chư Krih, cheăm Čư̆ Drăng, tơring Krông Pa). Nôu pâ o Kiêm ăm ‘nâi, xua ôh tá ‘nâi o tro chó kâ drêng lâi mê ôh tá lăm pâk vaccine hbrâ mơdât pơreăng roxok. Drêng o Kiêm tơngê, rơlâi rơlo, rơpŏng hngêi lăm rôe pơkeăng ăm ôu la ôh tá kâi kơdroh.

Troh hâi lơ 12/9, nôu pâ o djâ o lăm pơlât a hngêi pơkeăng tơring Krông Pa tung châ tơngê, kơ o, rơlâi rơlo. Troh kơmăng hâi ki mê, o rế tơngê ó mê chiâng djâ o pơlât a hngêi pơkeăng Sản Nhi kong pơlê Phú Yên ƀă châ khăm ngăn 'nâi pơreăng kôk rơxok. Hâi lơ 15/9, o Kiêm châ pơlât a hngêi pơkeăng Nhi đồng 2, pơlê kong kân Hồ Chí Minh tung pơlê dế chiên tâk. O châ khăm xét nghiệm ăm ‘nâi yương tĭnh virus kôk rơxok ƀă troh hâi lơ 20/9, o hiăng hlâ. Sap apoăng hơnăm troh nôkố , Gia Lai ai 11 ngế hlâ xua tro pơreăng kôk rơxok, hên má môi kơpong Tây Nguyên.