Ngế ki nếo hlâ mê ối a tơring Đăk Đoa. Ki nhên, ngế ki hlâ mê cho o Thái (kot mâ hơnăm 2019, ối a pơlê Bok Rei, cheăm Đak Sơ Mei, tơring Đăk Đoa). Tiô tơdroăng ăm ‘nâi sap ing nhŏng o dêi ngế ki hlâ, tơdế khế 9/2023, Thái tro chó dêi rơpŏng hngêi kâ. Klêi mê ai chó ki mê kơtâu lôi ƀă nôkố oh tá ti ‘nâi ối rêh lơ hiăng hlâ.

Troh hâi lơ 24/10, Thái tơngê, tuăn ngoâ ôh ti tơleăng, châi lâp châ. Kơxo lơ 26/10, muăn châ djâ troh a Tíu xiâm pơlât tơring Đăk Đoa mê châ pơtroh a Hngêi pơkeăng Nhi kong pơlê Gia Lai vâ pơlât. Troh a dâng 10 chôu 30 phut rơtế tung hâi mê muăn hlâ. Nôkố, Tíu xiâm pơlât tơring Đăk Đoa hiăng hdró kơpong, xôh pơkeăng a tíu ki ai pơreăng kôk rơxok tiô pơkâ; tơdrêng amê hlối hnê tối kuăn pơlê ‘na tơdroăng ki hbrâ rơnáu troh hngêi pơkeăng vâ châ ƀok thái pơkeăng tiâ mơnhên lơ pâk vaccine klêi kơ’nâi chó, miếo kâ.