VOV4.Xơ Đăng - Kơxê lơ 6/9, khu kăn dêi Khu xiâm ngăn pơkeăng khăm pơlât xua pôa Đỗ Xuân Tuyên, Ngế xiâm phŏ pro ngế xiâm pơkuâ djâ khu kăn hiăng ai rôh pêi cheăng ƀă Vi ƀan kong pơlê Dak Nông ‘na tơdroăng pêi hnoăng cheăng mơnhông mơdêk ‘na y dược cổ truyền ƀă ki rơkê plĕng pêi pro mâu tơdroăng tơkêa pro ‘na pơkeăng pơlât a cheăm tơring kong pơlê xúa liăn ODA.

Rơtâ tá hâi hôp pêi cheăng

A rôh pêi cheăng, pôa Đỗ Xuân Tuyên pâ thế Dak Nông kal tơmâng mơdêk tăng ‘mot mơngế cheăng ngăn pơkeăng y dược cổ truyền, ‘mâi rơnêu ngăn tâi tâng Khu ngăn pơkeăng ‘na Đông y cho cheăng ngăn pơkeăng pơlât ƀă nhâ loăng ƀă tíu xiâm ngăn pơkeăng mâu tơring, mơdêk pro kơdrum pêt nhâ loăng pơkeăng a mâu hngêi pơkeăng cheăm bêng tơring; hlối rĕng pơkâ mơnhông mơdêk pêt nhâ loăng pơkeăng, malối pêt mâu nhâ pơkeăng pá kơdâm loăng kân; tơmâng tăng khu ‘no liăn pêt nhâ loăng pơkeăng rơtế ƀă tơdroăng ôm hyô.

Tơdjâk troh pâk vaccine mơdât COVID-19, Ngế xiâm phŏ hnê mơhno kong pơlê kal thế mơdêk rĕng châ pâk luâ tơdế tung lâp lu ƀă troăng rơhlâ pơkâ thế pêi ahdrối pâk pơkeăng hbrâ mơdât pơreăng. Ƀă tơdroăng rôe mâu kế tơmeăm xuá tung khăm pơlât, tăng tơbriât rôe pơkeăng,

Ngế xiâm phŏ pơkâ thế Dak Nông séa ngăn nếo mâu pơkâ, hlá mơ-éa ki chêh pơkâ vâ pâ thế tah mâu tơdroăng ki xơpá, tơvâ tơvân, ‘mâi rơnêu tah mâu tơdroăng chêh ki ôh tá ối tơtro.

Gương tơplôu ƀă tơbleăng