Khu xiâm ngăn pơkeăng kong pơlê Kon Tum mơdât tơdroăng ki tâ tú pơreăng châi mâ khêi ki dế tâ tú hên
Thứ tư, 14:00, 13/09/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Hlo pơreăng châi mâ khêi dế tâ tú rĕng tung kuăn pơlê, malối a hên hngêi trung, hâi lơ 12/9 Khu xiâm ngăn pơkeăng kong pơlê Kon Tum ai hlá mơ-eá pơtroh ăm mâu tíu, kơvâ cheăng tơdjâk, Vi ƀan 10 tơring pơlê kong kơdrâm tung kong pơlê, mâu tíu pêi cheăng ƀă mâu hngêi pơkeăng tung kong pơlê vâ pâ thế hbrâ mơdât pơreăng châi mâ khêi.
Ing mê ƀă mâu tíu pêi cheăng, Khu xiâm ngăn pơkeăng pơlât kong pơlê Kon Tum pơkâ thế mơdêk séa ngăn, rĕng châ ’nâi mâu ngế châi mâ khêi, malối cho mâu hngêi trung hriâm, kơ koan, hngêi kơmăi mơnhông tơbleăng pêi vâ kâi mơdât pơreăng châi mâ khêi tâ tú troh lâp lu, pêi pro tiô hnê mơhno dêi Khu xiâm ngăn pơkeăng pơlât.
Khu xiâm ngăn pơkeăng kong pơlê Kon Tum xuân pơkâ thế Khu xiâm ngăn hnê hriâm ƀă hnê mơjiâng tuăn ngôa rơkê, Vi ƀan 10 tơrĭng , pơlê kong kơdrâm dêi kong pơlê drêng châ ‘nâi hok tro tơngê ôh tá râ, rơlâi tung châ, châi krôk, ai têa ‘nhiê mâ krêa ôh tá kâi plêk mâ, lo êi pom a tuăn lơ pá xôp keăng thế rĕng djâ hdrêng troh a hngêi pơkeăng khăm vâ teăm pơlât tơdrêng.
Viết bình luận