Nếo achê kố, Kơ koan xiâm pơkuâ ngăn pơkeăng ƀă khăm pơlât hbrâ hdrối, ối tung Khu xiâm pơkuâ ngăn pơkeăng ƀă khăm pơlât hiăng tơbleăng mơ-éa hnê mơhno mơnhên tơdroăng kal vâ, pro pơkâ pơtroh ăm pơkeăng vaccine pâk po rơdâ. Pơtối mê, mâu ngế, hâi khế pâk vaccine pơklât tung pâk po rơdâ mê cho:

-Vâi hdrêng pơxiâm kot mâ: Pâk vaccine hbrâ mơdât êi kliêm B.

-Vâi hdrêng pá kơdâm 1 hơnăm: Pak vaccine hbrâ mơdât kơ-o lo mơheăm, ô vaccine bOPV hbrâ mơdât chó, pâk vaccine hbrâ mơdât 5 pơreăng: Êi krôk, kơ-o rơdêng, châi hrê, êi kliêm B, êi xôu/êi ngôa xua pơreăng Hib, pâk vaccine hbrâ mơdât chó, lo xêi.

-Sap ing 1 troh 5 hơnăm: Pâk pơkeăng hbrâ mơdât êi ngôa Nhuk B

-Sap ing 18 troh 24 khế: Pâk pơkeăng mơdât lo sêi – rubella, DPT hbrâ mơdât êi krôk, kơ-o rơdêng, châi hrê.

-Vâi kơdrâi mơ-êa pâk pơkeăng mơdât châi hrê.

Hâi khế la ngiâ, hâi khế pâk mâu vaccine châ chêh tung tơdroăng pâk po rơdâ, mê cho:

-Vâi hdrêng pá kơdâm lơ lối 1 hơnăm: Pâk pơkeăng hbrâ mơdât chó trum má 2 (vaccine kố pơtối tê kơtê ăm vâi hdrêng sap ing 9 khế).

-Vâi hdrêng 7 hơnăm a kơpong tơ’lêi tro tâ pơreăng: Pâk pơkeăng mơdât êi krôk, châi hrê tiô pơkâ dêi kong pơlê.

-Vâi hdrêng pá kơdâm 1 hơnăm ôu vaccine Rota.

Mâu vaccine châ tiô tơdroăng pơchân tối dêi Khu xiâm pơkuâ ngăn pơkeăng ƀă khăm pơlât lâp plâi tơnêi, Khu hnê mơhno xúa vaccine dêi Khu xiâm pơkuâ ngăn pơkeăng ƀă khăm pơlât, tơdroăng pơreăng xông tâ tú a Việt Nam.