VOV4.Xơ Đăng - Cho kong pơlê tơ’lêi tro pơreăng kơtuâ ‘mêi to drêng pơreăng xông tâ tú, pêi pro pơkuâ ƀă hnê mơhno dêi Khu xiâm pơkuâ ngăn pơkeăng ƀă khăm pơlât, kơvâ ngăn pơkeăng ƀă khăm pơlât kong pơlê Kon Tum hiăng hbrâ pêi pro mâu troăng hbrâ mơdât pơreăng. Pêi pro hnê mơhno dêi Khu xiâm pơkuâ ngăn pơkeăng ƀă khăm pơlât, kơvâ ngăn pơkeăng ƀă khăm pơlât kong pơlê Kon Tum hiăng thăm séa ngăn vâ châ hlo mâu ngế tro tâ pơreăng kơtuâ ‘mêi to a mơngế.

Rơtế amê mơjiâng mâu pơkâ ‘na mơdât pơreăng, xo mơheăm vâ khăm ngăn ƀă klâ kơtăn drêng ai ngế tro tâ pơreăng. Ƀă mâu ngế nhôm tro tâ pơreăng kơtuâ ‘mêi to, kơ koan ngăn pơkeăng ƀă khăm pơlât kô rĕng mơdât pơreăng ƀă pơtroh mơheăm mơngế tro tâ pơreăng troh Hngêi pơkeăng xôh kơdê pơreăng Tây Nguyên vâ khăm ngăn vâ rĕng châ ‘nâi rĕng má môi. Ƀok thái pơkeăng chuyên khoa II Đỗ Ngọc Hòa, Kăn phŏ pơkuâ Khu pơkuâ ngăn pơkeăng ƀă khăm pơlât kong pơlê Kon Tum tối ăm ‘nâi, cho kong pơlê tơ’lêi tro tâ pơreăng kơtuâ ‘mêi to xông tâ tú, kơvâ khăm pơlât kong pơlê Kon Tum mơnhên thế hbrâ mơdât ƀă pêi pro tơtro sap ing hbrâ mơdât pơreăng.

A Sa Ly tơplôu ƀă tơbleăng