Tiô Tíu xiâm mơdât pơreăng kong pơlê Dak Lak, riân sap ing khế 6 troh hâi lơ 29/9, lâp kong pơlê châ hlo 33.120 ngế châi khêi mâ, ki hên cho hok tro. Kơvâ khăm pơlât kong pơlê Dak Lak dế thâ pêi pro mâu troăng hbrâ mơdât ki tâ tú dêi pơreăng kố. Tung kơxô̆ lối 30 rơpâu ngế châi khêi mâ mê ai lối 29 rơpâu ngế châ hlo tung mâu hngêi trung. 3 tơring mơnhên kơxô̆ mơngế tro tâ pơreăng hên má môi cho Ƀuôn Đôn, Čư Kuin ƀă Čư Mgar, pơrá a kơlo lối 2000 ngế.

Drêng ai pơreăng châi khêi mâ dế xông tâ tú rĕng a kong pơlê, ki rơhêng vâ tối cho a rơxông hok tro, Khu pơkuâ ngăn pơkeăng ƀă khăm pơlât Dak Lak hiăng tơrŭm ƀă mâu tíu cheăng ki tơdjâk thăm pêi pro mâu tơdroăng séa ngăn, klâ kơtăn ƀă pơtâng tối ‘na troăng hbrâ, mơdât ƀă pơlê pơla. Rơtế ƀă mê, mâu khu pơkuâ ngăn pơkeăng ƀă khăm pơlât xuân hiăng hbrâ pơkeăng vâ xing xoăng teăm tơdrêng ăm mâu ngế tro tâ pơreăng ƀă hbrâ tơdah pơlât.