Mitting râ tơnêi têa mơhnhôk Hâi lâp plâi tơnêi hbrâ – mơdât pơreăng kôk rơsôk a Gia Lai
Thứ sáu, 14:40, 29/09/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Kơxo lơ 28/9, a pơlê kong kơdrâm Pleiku, Kơ koan xiêm mơdât pơreăng Tơnêi têa tơrŭm ƀă Viƀan kong pơlê Gia Lai rơtế mâu khu xiâm kơvâ cheăng tơkŭm po leh mitting râ tơnêi têa mơhnhôk Hâi lâp plâi tơnêi hbrâ – mơdât pơreăng kôk rơsôk hơnăm 2023 ƀă dó inâi Môi ivá ‘’All fore One, One Health for all’’.
A leh mitting, vâ tơmiêt troh pơkâ xiâm Việt Nam mơ-eăm ôh tá ai ngế hlâ xua pơreăng kôk rơsôk a hơnăm 2030, kong pơlê Gia Lai tơkêa rơtế tơdjuôm ivá ƀă lâp tơnêi têa, rơtế dêi pó troh tah pơreăng kôk rơsôk ƀă péa troăng pêi ki kal.
Ƀă kơvâ Pơlât mơnăn: tơrŭm ƀă khu râ kăn pơkuâ mâu tơring vâ mơdêk tơdroăng pơkuâ khu chó, miếo. Ƀă kơvâ khăm pơlât: tơniăn 100% ngế tro chó kôk kâ thế châ pơlât tíu tro kâ tro tiô hnê mơhno ƀă pâk vaccine, huyết thanh hbrâ mơdât pơreăng kôk rơsôk tro tiô pơkâ. Roh kố, teăng mâ khu râ kăn pơkuâ mâu khu xiâm, kơvâ Tơnêi têa, kăn teăng mâ mâu khu tơrŭm cheăng lâp plâi tơnêi, khu râ kăn pơkuâ kong pơlê Gia Lai hiăng kĭ tơkêa tơdjuôm ivá hbrâ – mơdât pơreăng kôk rơsôk.
Viết bình luận