VOV4.Xơ Đăng -  Riân ing apoăng hơnăm troh nôkố, kong pơlê Gia Lai ai lối 6.400 ngế tơngê a 287 tíu hên ngế tâ tú pơreăng tơngê lo mơheăm a lâp mâu cheăm, bêng, pơlê kân; hiăng ai 1 ngế hlâ. Tung khế 9 kố nah, kơxô̆ mơngế tơngê lo mơheăm kơdrâ tâk hên, ai lối 2.400 ngế. Mâu tơring, cheăm ki tâ tú hên cho tơring Đăk Pơ, pơlê kong kơdrâm Plei Ku, tơring Krông Pa… Mâu hngêi pơkeăng hiăng mơhnhôk tăng hên mâu ngế thái pơkeăng veăng pơlât vâ tơniăn tơdrăng pơlât mâu ki tơngê lo mơheăm.

Ngế tơngê dế pơlât tơngê lo mơheăm a Hngêi pơkeăng pơlê kong kơdrâm Plei Ku

Tiô Khu xiâm ngăn pơkeăng pơlât kong pơlê Gia Lai, kong pơlê hiăng ‘nâi hdrối tơdroăng tơngê lo mơheăm kô tâk hên tung khế 9 ƀă 10 xua mê cho rơnó mêi tô tơ’lêi ăm tri trôu vâ rế hên. Khu ngăn pơkeăng kong pơlê hiăng hnê ăm mâu tíu pêi cheăng tơkŭm tơbleăng pơkâ séa ngăn tơdroăng pơlât ing hngêi pơkeăng cheăm bêng.

VOV Tây Nguyên/Tơplôu: Gương