VOV4.Sêdang - Hnoăng cheăng dêi kăn hnê ngăn chi [o# hlối pro Kăn thôn Phu Ma Nhe 2, cheăm Ia Rtô, pơlê kong krâm Ayun Pa, kong pơlê Gia Lai, pôa Nay Ka đi đo djâ troăng ahdrối tung mâu tơdroăng mơhnhôk pêi pro, hlối cho tíu xiâm ki tơru\m môi tuăn, tơku\m kuăn pơlê rơtế tơchoâm mơjiâng thôn pơlê nếo. Tơdroăng tơpui hâi kố ngin vâ tối ‘na tơdroăng cheăng pêi dêi pôa.

Pơlê Phu Ma Nhe 2, cheăm Ia Rtô, pơlê kong krâm Ayun Pa, ai 146 rơpo\ng [ă lối 550 pơ’leăng mâ mơngế, ki hên cho mơngế Jarai. Vâi krâ nho\ng o a kố bu pêi chiâk deăng mê ki hên kơxo# rơpo\ng ki chía niân bu iâ. Maluâ tiah mê, vâi krâ nho\ng o đi đo tơru\m, rêh ối môi tuăn to\ng kum dêi rơpó. Châ tơdroăng ki kố, ki hên cho kơnôm ing tơdroăng veăng kum dêi kăn pơkuâ ngăn chi [o# hnối cho kăn pơkuâ thôn cho pôa Nay Ka.

Hơnăm 2017, drêng cheăm Ia Rtô châ pơlê kong krâm Ayun Pa rah xo pro tíu xiâm mơjiâng thôn pơlê nếo, mâu thôn, pơlê tung cheăm kơhnâ pêi pro, k^ tơhrâ pêi pro mâu kế tơmeăm môi tiah: troăng prôk, hngêi mơdrah, hngêi hôp tơdjuôm [ă hên ki ê. A pơlê Phu Ma Nhe 2, xơpá kân má môi cho ôh tá ai hngêi hôp tơdjuôm. Mâu rôh hôp dêi pơlê pơrá athế tơku\m po a gong, mê ôh tá tơ’lêi trâm kong mêi. Xua mê, Khu pêi cheăng Măt tra#n thôn hiăng hên hdroh mơhnhôk kuăn pơlê pleăng tơnêi pro tíu hôp. La kuăn pơlê mehé rơhêng vâ xuân ôh tá chiâng pêi xua tơnêi, kơdrum gá ku\n, hâ. Tung tơdroăng xơpá mê, pôa Nay Ka, kăn pơkuâ chi [o# hiăng tơpui a rôh hôp kuăn pơlê, hbrâ rơnáu pleăng môi iâ tơnêi kơdrum dêi rơpo\ng vâ pro hngêi hôp tơdjuôm.

Pôa Nay Ka mơhnhôk vâi krâ nho\ng o mơjiâng pơlê thôn pơlê nếo

Tối cho pro, pôa Nay Ka vêh tơpui tơno dêi [ă kơdrâi kuăn, môi tuăn pleăng 200 met karê tơnêi kơdrum, maluâ rơpo\ng xuân bu ai 400 met karê tơnêi tung mê tá tơnêi ki pro hngêi [ă kơdrum pêt kơchâi, loăng plâi kâ. Mơ’nui hơnăm 2017, pơlê kong kơdrâm Ayun Pa ‘no 300 rơtuh liăn pro hngêi tơdjuôm kân rơdâ, le\m kâk a pơlê Phu Ma Nhe 2, ai tá plông [ê tong [ă hngêi mơdrah, kơnâng, bo cheăng.

Nâ Ksor H Truy ăm ‘nâi: ‘’Sap ing ai hngêi hôp tơdjuôm, pak^ng tơdroăng ki châ hmâng tối tơbleăng troăng hơlâ dêi Đảng, luât dêi Tơnêi têa, ngin ai tíu vâ hôp, trâm mâ mơhno túa le\m tro, hơdruê, xuâng. Kố xuân cho tíu ki mâu kuăn muăn tơku\m, xah hêi tung mâu rôh mơd^ng, rôh Têt’’.

Tiô troăng ki le\m tro dêi pôa Nay Ka, achê kố, pôa Ksor Táo, a pơlê Phu Ma Nhe 1, xuân pleăng 500 met karê tơnêi a mâ troăng kân prôk ngi kong pơlê kơxo# 25, achê tíu pêi cheăng Vi [an hnê ngăn cheăm vâ khu pơkuâ pro hngêi mơhno túa le\m tro cheăm. Tối ‘na tơdroăng ki le\m tro dêi tơná, pôa Ksor Táo tối: ‘’Á hlo cheăm hiăng châ mơnhên plêi klêi thôn pơlê nếo sap ing apoăng hơnăm 2018 la tá hâi ai hngêi mơhno túa le\m tro. Xua mê, á tiô troăng ki le\m tro dêi ngế đảng viên cho pôa Nay Ka pleăng môi iâ tơnêi kơnâ vâ chê 300 rơtuh ăm khu kăn pơkuâ pro hngêi mơhno túa le\m tro’’.

Hngêi hôp tơdjuôm châ pro a [ăng tơnêi dêi pôa Nay Ka pleăng ăm

Sap ing mê troh nôkố, tơdroăng ki pleăng tơnêi hiăng tơdjâk troh lâp cheăm Ia Rtô, pơlê kong krâm Ayun Pa, kong pơlê Gia Lai. Ki kơhnâ môi tiah pôa Nguyễn Ba, a thôn Đức Lập, pleăng 1 rơpâu met karê tơnêi, jâ Ksor H’Pring, a pơlê Phu Ma Nhe 1, pleăng 300 met karê, jâ Ksor H’yar, a pơlê Jư\ Ma Nai pleăng 270 met karê tơnêi, Ksor Hkai a pơlê Phu Ma Miơng pleăng 200 met karê tơnêi; tâi tâng pơrá xúa vâ pro hngêi hôp tơdjuôm. Krê jâ Ksor H’Nhai, a pơlê Phu Ma Nhe 1 pleăng 300 met karê tơnêi pro hngêi trung mauh yăo. Tiô tơdroăng ki mơhnhôk dêi khu kăn pơkuâ cheăm Ia Rtô, achê pơla kố, 55 rơpo\ng tung cheăm ối pleăng lối 3.400 met karê tơnêi [ă hên [ăng tơnêi pêi kâ [ă tâi tâng kơnâ lối 478 rơtuh liăn vâ pro troăng prôk tung thôn Đức Lập.

Klêi kơ’nâi hên hơnăm pro kăn pơkuâ chi [o#, apoăng hơnăm 2020, vâi krâ nho\ng o pơlê Phu Ma Nhe 2 hiăng pôk pôa Nay Ka hnối pêi dêi hnoăng cheăng cho kăn pơkuâ thôn. Drêng khu kăn pơkuâ rah xo pơlê  Phu Ma Nhe 2 pro tíu vâ mơjiâng thôn pơlê nếo tung kơpong hdroâng kuăn ngo, pôa hiăng môi tuăn pêi pro. Tung mê, ki xiâm cho tơdroăng ki păn pu pái Bách Thảo châ hên rơpo\ng kuăn pơlê păn. Sap ing to lâi chât to pu pái xua Vi [an Măt tra#n tơnêi têa Việt Nam kong pơlê to\ng kum ăm mâu rơpo\ng kơtiê 3 hơnăm hdrối, troh nôkố, kuăn pơlê hiăng hơ’leh [ă dêi rơpó, păn pu pái tâk troh lối hr^ng to, kum hên rơpo\ng pêi lo liăn chía tơniăn. Kuăn pơlê xuân kơhnâ hơ’lêh pêt mâu hdrê loăng, mơnăn păn vâ mơdêk pêi lo liăn. Pơla hdrối kố nah, mâu rơpo\ng tung pơlê xuân hiăng pêi klêi tơdroăng ki ‘mâi xe\n kơdroăng ro lo ing kơdâm hngêi trá ăm krúa le\m; pro hngêi mơdrah, hngêi hum [ă kế ki ‘măn têa tiô pơkâ thôn pơlê nếo.

Pôa Lê Văn Minh, kăn pơkuâ ngăn Đảng ủy cheăm Ia Rtô, pơlê kong krâm Ayun Pa, kong pơlê Gia Lai mơnhên tối: ‘’Pôa Nay Ka cho kăn [o# ki kơhnâ khât, djâ troăng ahdrối. Pôa hiăng pleăng tơnêi pro hngêi hôp tơdjuôm [ă mơhnhôk vâi krâ nho\ng o pro tiô [ối. Kố cho tơdroăng ki pêi pro ai pơxúa tiô troăng tơdjâ dêi Pôa Hồ, xua ki pơxúa tơdjuôm ki pơtê lôi ki pơxúa krê, veăng kum mơjiâng pơlê, cheăm, rế hía rế kro mơdro\ng le\m. Kơnôm ivá mơ-eăm dêi pôa Nay Ka [ă tâi tâng vâi krâ nho\ng o a pơlê Pha Ma Nhe 2 sap ing tíu ki xơpá hiăng mơ-eăm chiâng môi tung mâu pơlê ki mơnhông tung tơdroăng mơjiâng thôn pơlê nếo dêi pơlê kong krâm Ayun Pa’’.

Hlá tơbeăng Gia Lai

Katarina Nga tơplôu [ă tơbleăng