VOV4.Sêdang - Pơtối ối pôu pêi cheăng a Tây Nguyên, kơxo hâi lơ 2/2, pôa Trần Đại Quang, Kăn xiâm hnê ngăn rơtế [ă khu kăn xiâm dêi tơnêi têa hiăng lăm pôu, rơkâu Têt Đảng [o#, khu kăn pơkuâ [ă mâu kuăn pơlê dêi mâu hdroâng kuăn ngo a cheăm Rờ Kơi, tơring Sa Thầy, kong pơlê Kon Tum.

Pôa Trần Đại Quang, Kăn xiâm hnê ngăn bruô tơmeăm ăm kuăn pơlê kơtiê a cheăm Rờ Kơi, tơring Sa Thầy (Kon Tum)

Pôa Trần Đại Quang hiăng mơhno tối tơdroăng ki hơniâp ro, sôk suâ drêng hlo kuăn pơlê rêm hdroâng kuăn ngo hiăng kơhnâ khât tung hơ’lêh dêi mâu hdrê loăng pêt, môi tiah pêt loăng kơxu, tiu, báu klâng; po rơdâ tơdroăng ki păn roăng rak ngăn mơnăn mơnôa, í peâp vâ chôa ‘lâng mơnhông tơdroăng rêh kâ ối; mâu tơdroăng ‘na khăm pơlât, hnê hriâm pơrá hiăng châ pêi pro kơhnâ khât, tơdroăng kring vế pơlê pơla, tơnêi têa xuân châ pêi pro tơniăn khât.

Pôa Trần Đại Quang, Kăn xiâm hnê ngăn tơnêi têa bruô tơmeăm Têt ăm kuăn pơlê a tơring Sa Thầy

Pôa Trần Đại Quang loi tơngah [ă tơdroăng kơdo mơ-eăm, ki kho kho\m pêi pro dêi mâu hdroâng kuăn ngo a cheăm Rờ Kơi, tơdrêng [ă tơdroăng pơkuâ ngăn dêi Đảng [o#, khu râ cheăng tung kong pơlê Kon Tum, tơring Sa Thầy, tơdroăng to\ng kum dêi mâu khu râ, kơvâ cheăng tơnêi têa, mơni ôh pá ton a la ngiâ cheăm Rờ Kơi kô châ mơnhông mơdêk kơhnâ khât ‘na rêm tơdroăng cheăng, thăm mơdêk tơdroăng rêh kâ ối dêi rêm hdroâng kuăn ngo, veăng kum mơnhông tơring Sa Thầy, kong pơlê Kon Tum rơtế veăng mơnhông mơdêk tung lâp tơnêi têa.

Pôa Trần Đại Quang, Kăn xiâm hnê ngăn diâp kế tơmeăm ăm Nôu Việt Nam khên tơnôu Đặng Thị Thu

Xuân tung hâi ki mê, pôa Trần Đại Quang hiăng lăm pôu, hbruô kum kế tơmeăm Têt ăm Nôu Việt Nam khên tơnốu, cho jâ Đặng Thị Thu, bêng Duy Tân, pơlê kong kơdrâm Kon Tum, kong pơlê Kon Tum [ă lăm pôu, rơkâu Têt ăm {ok Phop Thích Quảng Xá, Kăn pho\ hnê ngăn Ho#i đông pơkuâ ngăn tơdroăng khôp Phop Việt Nam, xuân cho Kăn pơkuâ ngăn tơdroăng khôp Phop a kong pơlê Kon Tum.

Nhat Lisa tơplôu [ă tơbleăng