VOV4.Sêdang - Kơxo lơ 21/2, pôa Trần Đại Quang, Kăn xiâm hnê ngăn tơnêi têa veăng leh [ă tô hơkâ mơhnhôk ‘’Têt pêt loăng đi đo pâ Pôa Hồ’’ rơnó Hơngui Mậu Tuất hơnăm 2018 tơku\m po a cheăm Quân Bình, tơring Bạch Thông, kong pơlê Bắc Kạn.

Xông tơpui a hâi leh, Kăn xiâm hnê ngăn tơnêi têa tối nhên, 58 hơnăm hiăng luâ, rêm hdroh troh Têt, rơnó Hơngui troh, pâ troh [ă pêi pro tiô rơkong Pôa Hồ ‘’Rơnó Hơngui cho Têt pêt loăng, pro ăm tơnêi têa rế ton rế ro’’, kuăn pơlê tung lâp tơnêi têa tơku\m po hâi leh ‘’Têt pêt loăng’’.

Têt pêt loăng hiăng chiâng khôi túa ki hmâ le\m tro dêi kuăn pơlê pin tung mâu hâi ro Têt, tơdah rơnó Hơngui, pro pơxúa kân, veăng rak vế hyôh kong prâi, mơnhông mơdêk cheăng kâ-rêh ối dêi tơnêi têa. Kăn xiâm hnê ngăn tơnêi têa tối, nôkố, drêng plâi tơnêi rế tô, hyôh kong prâi hơ’lêh tung lâp plâi tơnêi, têa kơx^ tâk đik, kong prâi oh tá tơniăn, khía mơhot kân plong mot pro têa lân lu, ki pro tơ’nhiê rế ó, mơnhâu troh tơdroăng rêh ối dêi kuăn mơngế, mơnhông mơdêk cheăng kâ krá tơniăn rơtế [ă tơdroăng rak vế hyôh kong prâi hiăng chiâng tơdroăng ki kal pêi pro [ă rêm kong têa. Tơdroăng pêt loăng pro kong vâ kring vế rế ai pơxúa kal, cho tơdroăng ki thế pêi pro kơhnâ khât.

Gương tơplôu [ă tơbleăng