VOV4.Sêdang - Kơxo lơ 28/3,  Hà Nội, khu pêi cheăng dêi Ngế pro xiâm hnê ngăn Chin phuh séa ngăn Khu xiâm hnê hriâm [ă hnê mơjiâng tơdroăng rơkê ‘na tơdroăng pêi pro hnoăng cheăng xua Chin phuh, Ngế pro xiâm hnê ngăn Chin phuh pơcháu.

A rôh pêi cheăng, khu kăn kố hiăng tơmâng xo ivá mơ-eăm dêi tâi tâng kơvâ cheăng hnê hriâm tung tơdroăng cheăng nếo nôkố, malối cho hiăng tơku\m mơjiâng Tơdroăng, hlá mơ-éa phôh thong, ‘mâi rơnêu luât Hnê hriâm, Luât hriâm đăi hok. Malối, hiăng ai hên tơdroăng ki mơ-eăm tung hơ’lêh nếo ‘na hnê hriâm, xúa mâu tơdroăng ki ai pơxúa dêi kong têa [ă tung kơpong.

Laga, ai 5 tơdroăng ki kuăn pơlê dế rơhêng vâ hlê ple\ng, pâ thế kơvâ cheăng hnê hriâm kal tơku\m ‘mâi rơnêu. Ki nhên gá, cho tơdroăng ki tơku\m rah xo tung rôh tơ’noăng đăi hok kố hôm châ rak tơniăn há lơ ôh, mâu tơdroăng ki ai tơdjâk troh thái cô, tung tơdroăng ki rah xo mot hriâm sư phạm dế pro tô tuăn a hên kong pơlê, tơdroăng ‘na rêh ối dêi mâu thái cô, malối cho tơdroăng ki tơxiăn tơpâm troh châ chăn mâu thái cô, tơdroăng ki mơnhên inâi pơkâ ‘na yăo sư, pho\ yăo sư pơla hdrối kố nah hiăng pro ăm pơlê pơla hêng hôu, tơdroăng ki pêi pro hơ’lêh chêh pro hlá mơ-éa [ă hên ki ê.

Katarina Nga tơplôu [ă tơbleăng