Tot rơxế, hdot dêi hmân, kât mâu kế tơmeăm ki djâ tơvế vâ hbrâ ăm tơdroăng ki tơkâ luâ têa kuăn Đak Pam, ngoh A Nhai, kuăn pơlê ối a pơlê Đak Book ăm ‘nâi, kơtăn kố lối 9 hơnăm, tơdroăng ki prôk lăm dêi lối 20 rơpo\ng kuăn pơlê a pơlê Lao Mưng [ă vâ chê 100 rơpo\ng kuăn pơlê a pơlê Đak Pam gá hiăng tơ’lêi hlâu iâ. Laga, sap ing rôh têa kân lân lu mơhiu tơ’nhê troăng thông têa [ă kông ki prôk tơkâ luâ têa Đak Pam a khế 9 hơnăm 2009 nah, mê tơdroăng ki prôk tơkâ luâ têa kroăng ku\n kố gá tơpá khât:

‘’Tơnêi tơhnah tơhnâp, kông xuân tơhnâp môi tiah kố gá pá khât [ă vâi krâ nho\ng o ki prôk lăm. Prôk xuân ôh tá ai troăng prôk. Kong mêi kân, têa tâk đik ôh tá châ prôk tơkâ luâ têa kroăng ku\n. Ai môi toăng rơxế kân gá hiu a tíu kố’’.

Xua ôh tá ai kông Đak Pam, rêm rôh kong mê kân têa tâk đik, kuăn pơlê a pơlê Đak Book ôh tá châ lăm a klâng, a chiâk mê chiâng pro tơdjâk troh tơdroăng ki mơdâ pêt kế tơmeăm, tơpá tung pơto chơ kế tơmeăm tung rơnó hiăng troh a rơnó krí xo. {ă lối 20 rơpo\ng kuăn pơlê a pơlê Lao Mưng a ‘na tá têa ku\n ối đi đo athế trâm [ă mâu rôh têa lân lu ton hâi.

Hok tro pơlê Lao Mưng tơkâ luâ têa vâ troh hngêi trung hriâm

Tung pơla rơnó mơdrăng, têa ôh tá kân, tơdroăng ki lăm troh hngêi trung dêi lối 40 ngế kuăn muăn a pơlê Lao Mưng xuân tơpá [ă rơ-iô khât. O A Cày, hok tro lâm 8A, hngêi trung râ má 2 cheăm Đak Blô ăm ‘nâi, tơkâ luâ têa to hmốu, hliâk gá tơ’lêi kơtong:

‘’A lăm hriâm tơkâ luâ têa ku\n kơchoh tâi hmân ếo. Á djâ tơvế hmân ếo tung kơtong drêng prôk tơkâ luâ têa ah xếo chêng ko\ng mê xâp hmân ếo ki nếo. Kong mêi kân mê ngin pơtê hriâm’’.

Thái Bùi Văn Tuấn, kăn pơkuâ Hngêi trung râ má 2 cheăm Đak Blô ăm ‘nâi, tung rơnó mêi hngê têa kân lân lu, tơdroăng ki hriâm tâp dêi mâu vâi o hok tro pơlê Lao Mưng đi đo tro pơtê xua hngêi trung athế ăm xêh vâi o pơtê hriâm:

‘’Mâu hâi ki kong mêi kân, têa tâk đik gá rơ-iô khât mê hngêi trung athế krếo phôn ăm mâu nôu, pâ hok tro, krếo phôn troh a kăn pơkuâ pơlê ki mê pơkâ thế mâu vâi o pôi tá prôk tơkâ luâ têa ki rơ-iô. Pơklât thế hngêi trung ăm mâu vâi o pơtê hriâm drêng lâi têa hiăng xiâ ah mê krếo mâu vâi o lăm troh hngêi trung hriâm nếo’’.

Têa Đak Pam rế hía rế kân xua tơhnah tơhnâp

Hlo mâu tơdroăng ki xơpá tung tơdroăng ki prôk lăm, vâ chê 9 hơnăm hiăng luâ, kuăn pơlê Lao Mưng, pơlê Đak Book [ă khu kăn pơkuâ cheăm Đak Blô xuân hiăng hên hdroh pâ thế râ kơpêng, pâ khu kăn Ho#i đồng hnê ngăn mâu rêm râ, [ă Khu kăn Kuo#k ho#i kong pơlê la rơhêng vâ ai môi to kông ki mơgăn tơkâ luâ têa Đak Pam xuân tá hâi châ mơjiâng pro. Pôa A Nhập, Kăn hnê ngăn Vi [an cheăm Đak Blô, ăm ‘nâi:

‘’Tơdroăng dêi cheăm mê ôh tá ai ivá vâ pro lơ ‘mâi rơnêu kông ki hiăng ton tơ’nhiê. {ă cheăm kố mê xuân rơhêng vâ Tơnêi têa, kong pơlê re#ng ‘no liăn kum pro ăm kuăn pơlê môi to kông a kố’’.

Ki khât gá ăm hlo, xua ôh tá re\ng châ ‘mâi rơnêu, troh nôkố tơkâ luâ vâ chê 9 hơnăm kố [ă hên hdroh kong mêi, têa lân lu, têa Đak Pam ki ku\n hâi ki lâi mê nah dế kố rế hía rế kân, xua tơhnah tơhnâp. Péa pâ troăng ki prôk troh a kông xuân hiăng tro tơhnah tơhnâp ó xo\n troh chât met. Xua mê, tơdroăng ki mơjiâng môi to kông Đak Pam nôkố cho tơdroăng ki tơpá khât dêi khu kăn pơkuâ cheăm Đak Blô xuân môi tiah tơring Đak Glei. Vâ châ pro tơdroăng kố kal athế ai tơdroăng to\ng kum dêi khu kăn pơkuâ [ă kơvâ cheăng ki ai tơdjâk troh kong pơlê Kon Tum.

Khoa Điềm chêh

Katarina Nga tơplôu